Ауаҩы иҧсҭазааратә цикл

Ауаҩы иҧсҭазааратә цикл   Ауаҩы диуеит, дыҧсуеит. Иира инаркны иҧсраанӡа уи дынхоит, изҳауеит, иҽиҧсахуеит, дажәуеит. Аҧсҭазаара ацикл еиҧшуп. Ацикл агьежь ауп. Ауаҩы иҧсҭазаара ацикл изеиҧшуи? Ауаҩы макьана дыҟаӡам, нас диуеит, аҧсҭазаара амҩа дықәсуеит. Аҵыхәтәаны уи дыҧсуеит. Иҧсра аамышьҭахь, уи иҧсҭазаара аҵыхә ҧҵәоит. Ауаҩы иҧсҭазаара акымзарак аҟнытә иалагоит, акымзарак ала инҵәоит. Уи даараӡа агьежь еиҧшуп. Агьежь иарбан ҭыҧзаалак аҟнытә удәықәлар, уныҟәар, аҵыхәтәаны узладәықәлаз аҭыҧ аҟны унанагоит. Ауаҩы иҧсҭазааратә ацикл аҭҵаарадырҩцәа иҭырҵаауеит. Еиҳарак уи аҧсихологцәа ринтирес амоуп. Аҧсихолог рацәа аҧсҭазааратә ацикл азы рҭҵаарақәа адунеи аҟны идыруп. Абас еиҧш идыру аҭҵаара имоуп еицдыру Германиатә аҧсихолог Ерик Ериқсон. Ериксон ауаҩы иҧсҭазаара ацикл рацәала ишоит. Уи арҭ ациклқәа ауаҩы иҧсҭазаара аамҭа ҳәа ахьӡиҵит. Ериксон ауаҩы иҧсҭазаара аамҭа зегьы иааирҧшоит. Ҳәарада шәарҭгьы ижәдыруазар шәҭахуп, иҟаиҵози ауаҩы иҧсҭазаара еиуеиҧшым аамҭақәа раан. Ҳарҭ арҭ аамҭақәа еицҳдырыр ҳалшоит. Ауаҩы иира Ауаҩы иҧсҭазаара ан лымгәаҭа аҟнытә иалагоит. Уи ақьаад аҟны иргылоу акәаҧ иаҟроуп. Амгәаҭа аҟны хәыҷы- хәыҷы иазҳауеит. Изҳара иацны уи ицәеижьы аҽаҧсахуеит: инапқәа, ишьапқәа, ихы уҳәа ицәеижьхәҭақәа зегьы ҿиоит. Ан лымгәаҭаҿы аҟазаара жәым инагӡоит. Нас диуеит. Ҿыц ииыз ауаҩы аҧшқәа ихьӡуп. Ахәыҷы ҧшқа Аҧшқа хәыҷы иан лымгәаҭа ада аҧсҭазаара наигӡоит. Уи даараӡа дыхәыҷуп, дымчыдоуп. Амчыда имацара анхара илшом. Ахәыҷы зегьы рыла иан длыдҳәалоуп. Аҧшқа зынӡа акгьы изыҟаҵом. Дызцәажәом, дызныҟәом. Уи аҵәыуара илшоит, амла данакуа, ма акы анихьуа. Аҧшқа акрыфара илшоит. Аха ахәыҷы изыфом афатә, иара еиҳау ахәыҷқәа ирфо. Уи ацәара илшоит. Аҧшқа аҧаҭылка ицәратәы иҟарҵоит. Уи ахш ацәарала ажәраҿы ицхраауеит. Аҧшқа ибзианы ахылаҧшра иҭахуп. Уи дызхылҵыз ддырҧхоит, криҿарҵоит, дыдрыцқьоит, дрышьшьоит, ддырцәоит. Аҧшқа хәыҷы-хәыҷы изҳауеит, амч илалоит, ессымша иҽиҧсахуеит, аҿыц иҵоит. Аҧшқа зегьы дрызҿлымҳауп, абыжьқәа дырзыӡыҩроит. Зегьы инапала икоит. Аҧшқа абас ала аҧсҭазаара иҵоит. 1 – 3 шықәсанӡа ахәыҷы Аҧшқа хәыҷы иаарласны амч илалоит, уи аҳәазара далагоит. Хабалак дҳәазоит, иҭахуп зегьы ибар. Уи изы зегьы азҿлымҳара рымоуп. Аҳәазара аамышьҭахь аныҟәара далагоит. Аныҟәара аниҵо ахәыҷы лассы дкаҳоит. Аха маҷк анҵлагь аамышьҭахь уи илшоит дымкаҳакуа аныҟәара. 1 – 3 шықәса зхыҵуа ахәыҷы инапы ала акрыфара иҽазикуеит. Инапала акрыфара даараӡа игәаҧхоит. Уи дхәыцуеит амҳаҵә акра уадаҩуп ҳәа. Аха уи анилшалак, даараӡа игәы иаахәоит. Ахәыҷқәа шықәсык инаркны ацәажәарагьы иалагоит. Урҭ рҽазыркуеит лассы ираҳауа ажәақәа рҳәарц. Лассы ахәыҷқәа ажәак акырымтә ирарҳәоит, ари ажәа рҵарц азы. Ахәыҷқәа лассы раҧхьаӡа “Нан”, “Баба” рҳәоит. Уи ус изыҟало зегьы реиҳаӡа лассы урҭ арҭ ажәақәа роуп ираҳауа. Ахәыҷы ацәажәара аҵара даналаго зегьы ргәы иаахәоит. Уи ииҭаху, ма ииҭахым иҳәар илшоит. Ахәыҷы ажәақәа еснагь ииашаны изҳәом. Убри аҟнытә аҧшқа хәыҷы ииҳәо ажәақәа удырччоит. 1 – 3 шықәса зхыҵуа ахәыҷы иҭахуп дыхьҧшымзар: иара ихала илшар акы аҟаҵара. Уажәшьҭа иаҳдыруеит ахәыҷы игәы ишаахәо иара ихала акранифо, иан данимыцхраауа. Амҳаҵә акра еснагь ибзианы илшом. Лассы амҳаҵә иану афатә каҭәоит, аха уи ала иан диргәаар иҭахым. Уи, баша, макьана илшом ихала акрыфара. Уи азы макьана дхәыҷуп. Аха хәыҷы-хәыҷы зегьы иара ихала аҟаҵара дашьццылоит. Ахәыҷра Ауаҩы иҧсҭазаара ацикл анаҩстәи аамҭа ахәыҷра ауп. Ахәыҷы ирацәаны иҭаацәа рыцхыраарада иҟаиҵар илшоит. Уи хышықәса инаркны ахәыҷтәбаҳчахь аныҟәара далагоит. Абаҳча иара изы иҿыцу аамҭа ахагара ауп. Абаҳча аҟны ахәыҷырацәа идыруеит, урҭ дырҩызахоит. Араҟа уи егьырҭ ахәыҷқәа рҟны аимадарақәа иҵоит. Ахәыҷбаҳча аҟны уи ашкол дазыҟарҵоит. Ахәыҷы ашкол ахь ицара уи акыр иҭакҧхықәу усуп. Ахәыҷықәа ари амш ргәы хыҭхыҭуа иазыҧшуп. Ашкрл ахь ацара урҭ рзы иаанаго, ирызҳаит уажәшьҭа идууп. Ахәыҷқәа еснагь ирҭахуп, ирласны ирызҳар, идухар. Ашкол аҟны аиашазы ахәыҷқәа рзы аҧсахра дуқәа ыҟоуп. Урҭ ахумарразы аамҭа маҷны ирзаанхоит, Ашкол аҟны аҩныҟатәи адҵақәа нарыгӡар ауп, ашкол аҵасқәа нарыгӡар ауп. Ашкол адҵақәа рынагӡара аҟны изхылҵыз рыцхраауеит. Аха урҭ ирҭахуп рыдҵақәа, цхыраарада дара рхала ирыҩҩыр, иаҧхьар. Ашкол аҵаҩы илшоит иара ихала иҽеилеиҳәар, имаҭәа ишәиҵар. Аҭинеиџьерцәа рышқәса Жәахашықәса зхыҵуа ахәыҷқәа “ҭинеиџьерқәа” ҳәа ирышьҭоуп. Аҭинеиџьерцәа рықәра 7 шқәса инӡоит. Аҭинеиџьер хәыҷы ирласны изҳауеит, игылара иацлоит. Рыҧшра еиҭаркуеит. Ахәыҷқәа, шьоукы ари аамҭазы акыр ирыгхоит, шьоукых акыр ирыцлоит. Уи ззыҟало урҭ рцәеижьхәҭақәа аҟны аҧсахра рацәа мҩаҧысуеит. Ари аамҭазы ахәыҷқәа рхырҿы ҧхҭуеит. Аха уи ирласны иалгоит. Аҭинеиџьерцәа рҟазшьагьы рыҧсахуеит. Урҭ рҭаацәа рҳәатәы харҵом. Шьоукы аҵара ҵара иаҟәыҵуеит, иаашьоит. Аҟазшьа аҧсахрагьы рықәра ауп изыдҳәалоу. Ари ақәра аан ахәыҷқәа еиҳа игәымбылџьбарахоит. Лассы игәамҵуеит, иҵәыуеит, рылахь еиқәуп. Аха ари аҟазшьагьы ирласны аҽаҧсахуеит, илахҿыххоит. Аҭинеиџьерцәа уаанӡа изыҟаз аасҭа еиҳа ихьҧшымхар рҭахуп. Ақәранаӡара Ақәранаӡаратәи ақәра зегьы реиҳаӡа акыраамҭатәи ауп. Ақәранаӡара рыхьӡуп ауааҧсыра 20 шықәса инаркны ажәра аҟнынӡа. Зықәранагӡахьоу ауаа ихьҧшымкуа инхоит. Урҭ аҵара рҵоит, азаанаҭ алырхуеит, нас иҭаацәарахоит. Зықәранаӡахьоу ахылҵ роуеит. Даргьы убас ирааӡоит рхылҵ, дара зхылҵыз ишырааӡаз еиҧш. Зықәранагӡахьоу рыҧшрагьы рыҧсахуеит. Аамҭа цар урҭгьы иажәуеит, абрыгра ақәра ахь ииасуеит. Ажәра Алыгажә рхахәы шлоит. Рцәа кҷуеит. Ирласны иааҧсоит, аҿар реиҧш рус ирласны аҟаҵара рылшом. Абрыгцәа лассы шьоукы рыцхыраалар рҭахуп. Алыгажәқәа шьоукы дара рхала рыфатә рзыҟаҵом, шьоукы рымацара адәахьы издәылҵуам. Урҭ аҧшқа хәыҷқәа иреиҧшхоит. Ахәыҷқәагьы рымацара даараӡа аус рацәа аҟаҵара рылшом! Ауаҩы даараӡа данажәлак, дыҧсуеит. Аҧсрала аҧсҭазаара нҵәоит. Аҧсра аҧсабарала имҩаҧысуеит, аира еиҧш. Аҧсрала ауаҩы иҧсҭазаара цикл нҵәоит. Ауаҩы иҧсҭазаара цикл данахыслагь, уи дыҧсуеит. Усҟан уи ауаҩы днеиуеит агьежь дызлалагаз аҭыҧ ахь, аныҟәара дахьалагаз – акымзарак аҟнытә.