Аршәы

Аршәы Аршәы  аҭоурых Аӡәгьы    издыруам,    аиашазы,  аршәы  анырхәыцызи  иахьырхәыцызи.  Зегьы  ираҳахьеит  Александр  Македонтәи  Персиеи  Индиеи  рыр  данрабашьуаз  аамҭазы  аршәы  шифоз. Европаҟа  Китаинтәи  аршәы  ааигеит  Марко  Поло  14-тәи  ашәышықәсазы.  Раҧхьаӡа  акәны  Европа  аршәы  ҟазҵаз  италиатәи  ахәыҟаҵаҩ  иоуп,  Сицилиа  адгьылбжьахаҿы.  Ҳаамҭазтәи  аршәы,  иахьа  зегьы  ҳаилаҳаны  иаҳфо,  ахьыҟаҵаз  Франциа,  акаҳуажәырҭа  Гортони  аҟноуп.  Иахьа,  зегьы  реиҳа  еиҳаны  аршәы  ахьырфо  Америкоуп.  Америка  апрезидент  1984  шықәса  аршәы  иашықәсны  ирылаиҳәеит. Аршәы  бзеираси  цәгьараси  иамоу  Аршәы,  хымҧада,  абзиарақәа  амоуп,  аха  ацәгьарагьы узнаур  алшоит.  Бзиарас  иамоу  уи  ауп  -  абелок  рацәаны иамоуп,  абелок  ачырақәа  рыҟалара  иаҧырхагоуп.  Цәгьарас  иамоу,  уи  ашшеи  ашьақари  рацәаӡаны  иалоуп.  Ашшеи  ашьақари  ауаҩы  ицәеижь  иаҧырхагоуп,  насгьы  ицнаҵоит. Ашәыр  иалху  аршәы Раҧхьаӡатәи  ашәыр  иалху  аршәы  цәырҵит  машәыршәа 1905  шықәсазы.  Френк  Еферсон  захьӡыз,  11  шықәса ирҭагылаз  аҷкәын  хәыҷ,  аӡи  апорошок  фҩыхааи  ирылхны агаз  змоу  аӡы  хаа  аҟаҵара  аҿын.  Уи  иоуз  амаҭәашьар лабала  еилирхуан.  Уахык  агазтә  ӡы  аҟаҵаразы  априбор адәахьы  ихашҭит.  Ашьыжь  Фрҽнк  данааҧш  илаба  иақәҵаан  иҟан.  Уи  аҵаа  агьама  хаан.  Убри  акәхеит  раҧхьаӡатәи  ашәыр  иалхыз  аршәы  захьӡызгьы.  18  шықәса  анихыҵ,  Френк  Еферсон  ашәыртә  ршәы аҭыжьра  далагеит.    Аршәы  иалху  аторт  дуӡӡа Аршәы  иалхны  иҟауҵар  алшоит  даара  ихаау  аторт.  Асахьаҿы  шәара  ижәбоит  адунеи  аҿы  зегь  реиҳа  идуу  аршәы  иалху  аторт.  Уи  аторт  Канада  ирӡит.  Уи  аҟаҵаразы  хәыҟаҵаҩцәа  уахгьы  ҽынгьы  аусура  иаҿын.  Аторт  дуӡӡа  архиаразы,  ахәыҟаҵаҩцәа  рхы  иадырхәеит  9000  килограмм  аршәы. Уаҩы  иимбац  аршәы  Уаҩы  иимбац  аршәы  ҟарҵеит  аршәыҟаҵарҭатә  фирмак  аҟны.  Аршәы  еиуеиҧшым  аформақәа  амоуп.  Ари  аршәы анимациатә  фильм  аперсонаж  –  Микки  Маус  исахьа  аҭан  иҟаҵоуп.  Ари  аршәы  аманго  ашәыр  афҩы  лаҳалаҳауа  иахылҵуеит. Аманго  –  ихаау  тропикатә  шәыруп.  Ари  аршәы  акәзар  еицырдыруа  америкатәи  актриса  Мерилин  Монро  лсахьа  амоуп. Уи  аҵыҵындреи  ахҷаҭи  ргьама  ахукаауеит.  Ари  Диснеи  ианимациатә  фильмқәа  рперсонаж  ақәача Дональд  ауп.  Аршәы  Дональд  абанани  ашоколади  ргьама  амоуп. Аршәи  аҧстәқәеи Аршәы  ауаа  рымацара  ракәым  бзиа  избо.  Аҧстәқәагьы  уи  даара  иргәаҧханы  ирфоит.  Аҧхын,  ашоура  ҕәҕәа  аныҟоу  зоопаркқәак  рҟны  аҧстәқәа  аршәы  рҿарҵоит. Аршәы  шыҟаҵатәу  Италиатәи  аршәы  аҟаҵаразы  иаҭахуп  500  (гр.)  ахҷаҭ, 180  гр.  ашьақартә  сақә,  5  –  кәтаҕьк,  70  гр.  Ашоколад  еиқәацәа. Акәтаҕь  агәи  ашьақар  сақәи  ибзиан  иҩтәуп,  ишкәакәаӡа  иҟалартә  еиҧш.  Акәтаҕь  ахӡы  анацәҧы  ишьҭнахуа  аџьыкахыши  еилаҧсаны  иҩлатәуп,  ашәах  кьакьаӡа  иҟалаанӡа. Хазы  иҩтәуп  ахҷаҭ.  Аҵыхәтәан  иҩны  иҟоу  амасса  ҭынч-ҭынч  еилырхуа  ашоколад  ххны  иалаҧсатәуп.  Аршәы  аконтеинер  иҭаҵаны  ҩ-сааҭк  иреиҵамкәа  арҵаага  иҭаргылатәуп.