Адунеи аҿы зегь реиҳа иҳаракӡоу ахыбрақәа

Адунеи аҿы зегь реиҳа иҳаракӡоу ахыбрақәа   Алагалажәа Иҟоуп ахыбра иҿыцу, ма ижәытәтәиу, идуу, ма ихәыҷу, иҳараку, ма илаҟәу. Хыбрақәак даара иҳаракӡоуп. Анкьа ахыбра ҳаракқәа маҷӡаны акәын ишдыргылоз. Иҳараку ахыбрақәа ҳаамҭа иақәшәо, имоданы ауп ишыҟаҵоу. Ахыбра ҳаракқәа рҟны иҟоуп аофисқәеи, ахәаахәҭратә ҭыҧ хадақәеи. Ахәаахәҭратә ҭыҧ хадақәа рҟны ирҭиуеит хыҧхьаӡара рацәала атауарқәа. Ахыбра ҳаракқәа рыҩныҵҟа еснагь ажәлар рацәоуп. Адунеи аҟны иҟоуп ҳаракырала зегь ирхыҳәҳәо ахыбрақәа. Абри ашәҟәы аҟны ишәзеиҭаҳҳәоит убарҭ рахьтә акык-ҩбак рыӡбахә.   «Халиф ибурџь» «Халиф ибурџь», мамзаргьы «Халиф ибааш» - ари адунеи аҿы зегь реиҳа иҳараку хыброуп. Уи Дубаи ақалақь аҟноуп иахьгылоу. Дубаи даара иҧшӡоу қалақьуп. Ара аҩын ҿыцқәа рацәоуп. Ҷыдала иҧшӡоуп «Халиф ибааш». Уи аргылара иалагеит 200:  шықәсазы, иагьалгеит 2010 шықәсазы. Абааш аҳаракыра 860 метра иҟоуп. Абааш иамоуп 163 (шәи ханҩажәи хҧа) еихагыла. Ахыбра аҩныҵҟа иҟоуп: асасааирҭа, аресторанқәа, аҧшырҭақәа, еиуеиҧшым арлахҿыхратә уадақәа. «Халиф ибааш» ргыланы ианалга Дубаи егьырҭ асасааирҭақәа руадақәа ҭацәын. Атуристцәа ирҭахын адунеи аҿы зегь реиҳа иҳаракӡоу ахыбра иаҭааны ирбарц. «Халиф ибааш» асасааирҭа иахьагьы атуристцәа рыла ипеипеиуа иҭәуп.   «Халиф ибааш» - акинофильмқәа рҟны Халиф ибааш убарҭоуп еицырдыруа афильм «Амиссиа нагӡашьа ақәым» аҟны. Афильм ихадароу ахәҭа ҭыхуп абри абааш ҳарак аҟны. Афильм раҧхьарбара мҩаҧысит Дубаи 2011 шықәсазы. 2910 шықәсазы иҭыҵыз – «Адунеи ауаа рыда» захьӡыз америкатәи адокументал-фантастикатә фильм аҟны иарбоуп «Халиф ибурџь» адгьыл ианыӡаауа. Уи арбоуп ари асериал хә-сериак рҟны.   Мекка иҟоу Асааҭқәа ркралтә бааш Адунеи аҿы иҟам даҽа қалақьк, Меккаҟны аҟара лассы-ласс асааҭ иахьахәаҧшуа. Адунеи аҿы иҟам даҽа қалақьк Меккатәи асааҭқәа иреиҳау  асааҭқәа ахьыҟоу. Мекка иаҭаауеит зықьҩыла аҧшьаныҟәаҩцәа. Аҧсылманцәа, знык иадамхаргьы рыҧсы ахьынӡаҭоу Мекка инеины Аллаҳ иашьапкыр, рыгәнаҳақәа зегьы ирыҵыҵуеит, гәнаҳа ҳәа кыр рымазар иранажьхоит ҳәа ирыҧхьаӡоит. Убри аҟынтә Мекка аҧшьаныҟәаҩцәа рыла иҭәуп. Мекка аамҭа аҵак ду амоуп. Анцәаиҳәарақәа мҩаҧыргоит иалкаау аамҭақәа рзы. Убри аҟынтә анцәаиҳәацәа лассы-ласс асааҭ иахәаҧшуеит. Уажәшьҭа урҭ рнапы иахоу асааҭқәа ирмыхәаҧшларгьы ҟалоит. Мекка ақалақь агәҭа иҟоу ашҭа ду аҿы иқәгылоуп асааҭ дуӡӡа. Уи «Клок Роиал Тауер» ҳәа изышьҭоу иҳаракӡоу ахыбраҿы ишьақәыргылоуп. Ари ахыбра аргылара хыркәшан 2012 шықәсазы. Абааш аҳаракыра – 601 м. инаӡоит. Ахыбра ахаҭа 120 еихагыла иҟоуп. Ари ахыбраҿы ҩ-сассаирҭаки, ҩ-џьа-амаки ыҟоуп. Аҧсылманцәа аџьаамаахьы инеиуеит Аллаҳ иҳәаразы. Тауер иадчаҧалан иҟаҵоуп асааҭ дуӡӡа. Асааҭ змоу абааш Лондантәи «Биг – Бен» иеиҧшуп. Меккатәи асааҭ ашәагаа :қ метра инаӡоит. Асааҭ иамоуп ахыц дуӡӡақәа. Асааҭ хҩоуп зыхә ҳараку саркьала. Мекка Клак Роиал Тауер – адунеи аҿы зегь иреиҳау аргыларақәа иреиуоуп.   Таипеи Таипеи Таиван иҟоу қалақьуп. Таипеи иқәынхоит миллионҩыла ауаа. Ақалақь аҿы иҟоуп ирацәаӡаны аҭыҧ ҧшӡарақәа. Атуристцәа рзы аинтерес зҵоу акакәны иҟоуп Таипеитәи абааш. Абааш ргылан 200: шықәсазы. Иара аура 509 метра инаӡоит, 101 еихагыла иҟоуп. Таипеитәи абааш шәарҭара ҳәа акгьы аҵам. Уи азааигәара ҩынтәгьы иҟалахьеит адгьылҵысра, аха абааш ҧырхага ҳәа акгьы анамҭеит. Таипеитәи абааш ҳаамҭа иақәшәо ргылароуп, ажәытә китаитәи атрадициақәа рыла ишыҟаҵоугьы. Уи аргылара иахҭнырҵеит 2,5 миллиард евро.   Петронас  абаашқәа         Петронас абаашқәа «Еициз» ҳәа лассы-лассы ирзырҳәоит. Арҭ аҩ-ргыларак 452 метра инаӡоит. «Петронас еициз»  абаашқәа еивагылоуп. Дара еиҧшуп. «Еициз» ҳәа ирышьҭоуп, избан-зар формалагьы шәага-алагьы еиҧшны иҟаҵоуп. Арҭ «еициз-абаашқәа» ахьгылоу Малаизиа аҳәынҭқарра, ақалақь Укала-Лумпур аҟноуп. Урҭ дыргылахьан абааш Таипеи, Халиф ибааш уҳәа раҧхьагьы. Зегьы реиҳа иҳараку ргыларақәаны иҧхьаӡан, Таипеи дыргылаанӡа.   «Петронас» - Малаизиатәи акомпаниа дуқәа ируакуп. Уи иҭнажьуеит иагьаҭиуеит аминералтә хәшақәа. Петронас даара ибеиоу компаниоуп. Абааш Петронас захьӡу убри азоуп, акомпаниа «Петронас» абарҭ ахыбрақәа дуқәа рҟны иҟоуп. Абраҟоуп иахьыҟоу урҭ русурҭатә офисқәа. Акомпаниаҿ аус руеит 10000-ҩык инарзынаҧшуа аусзуҩцәа. Абаашқәа дара дара еидҳәалоуп ихыбу ацҳала. Урҭ рыргылара иахҭынҵоуп 800 миллион доллар. «Петронас» абаашқәа ақалақь аҿы зегь реиҳа иҧшӡоу ргыларақәоуп.   Еифель ибааш «Адунеи аҳәынҭқаррақәа зегь рахьтә Франциа заҵәык ауп, збираҟ 300 метра иҳаракны иахашәыршәыруа» (Гиустав Еифель). Еифель ибааш адунеи аҿы еицырдыруа ргылароуп. Уи Франциа аҳҭнықалақь Париж ауп иахьгылоу. Еифель ибааш есыҽны иаҭаауеит ҵҩа змам атуристцәа. Раҧхьа, Парижаа даара иргәаҧхомызт ари аргылара. Зсахьа ҿаасҭоу акакәны иахәаҧшуан, ақалақь арҧшӡом, аҧшра-асахьа ҧхасҭанатәуеит ҳәа ирыҧхьаӡон. Нас хәыҷы-хәыҷла иашьцылеит. Еифель ибааш аҳаракыра 324 метра инаӡоит. Абааш иамоуп алифт, иара убасгьы амардуан. Аҭаацәа рыҩбагьы рхы иадырхәар рылшоит. Абааш аҟынтә уалаҧшны иубоит Париж, унапсаргәыҵа иҵагылоушәа. Уи абааш аҿоуп иахьыҟоу ателехәаҧшратә баашгьы. Абааш дыргылеит 1889 шықәсазы. Идыргылон уи ҩышықәса. Ари аргылара архитекторс даман Гиустав Еифель. Аусура иалахәын 200-ҩык ауаа. Афранцызцәа ишырҳәо ала, Еифель иусура хиркәшеит цәыӡ дук имамкәа. Аргылараан дҭахеит аӡәы, иаҳҳәап аиҿырҧшразы иугозар, Бруклинтәи ацҳа аҟаҵараан машәырла иҭахеит 20-ҩык. Шотландиа аихамҩа ақәҵараан иҭахеит ҩынҩажәижәаҩык. Абааш иара зыргылоз Еифель ихьӡ ахьӡырҵеит. Афранцызцәа рыбла аҷыц еиҧш ирыхьчоит Еифель ибааш. 1993 шықәсазы абааш ашьапаҿы иаадыртырц рҭахын аресторан «Макдональдс». Ари иаҿагылеит Парижаа. Еифель ибааш ашьапаҿы «Макдональдс» аартра мап ацәкын.   Биг-Бен Лондон Апарламент азааигәара игылоуп абааш. Уи Биг-Бен ахьӡуп. Раҧхьа уи иҧшьоу Стефан ибаа ахьӡын. Иҧшьоу Стефан ибаа дыргылеит 1858 шықәсазы. Уи Таипеи, мамзаргьы Меккатәи асааҭ зықәгылоу абааш раҟара иҳаракым. Биг-Бен аҳаракыра 96 метра ауп иахьынаӡо, адунеи аҿы зегьы еицырдыруеит. Абааш аҩганкгьы рыла асааҭ дуӡӡақәа ҩба адчаҧалоуп. Урҭ рышьҭахь иҟоуп асаркьал. Убри асаркьал ауп Биг-Бен ҳәа раҧхьаӡа изышьҭаз. Нас абааш зегьы уи хьӡыс иаиуеит. Егьа ус акәзаргьы, изахьӡуи абааш Биг-Бен? Асааҭқәа аҩада  ишьҭыхны абааш аҟны иқәзыргылаз ихьӡын Бен, иара ҭеиҭыҧшла даара уаҩ дук иакәын. Англыз бызшәала «биг» иаанаго «аду» ауп. Абааш «Бен ду» ҳәа ауп хьӡыс иамоу.   Аҵыхәтәажәа Ахыбра ҳарак аҿы иҟауҵар ауеит ирацәаны аофисқәеи адәқьанқәеи. Ахыбра ҳаракқәа ирымоуп алифтқәа. Лифтла даара иманшәалоуп ахалареи албаареи. Ахәыҷқәа даара бзиа ирбоит лифтла аныҟәара. Ахәыҷқәа иргәаҧхоит аҩны ҳаракқәа. Аҩны ҳаракқәа рҟынтә ҵаҟа аҧшра аинтерес аҵоуп. Уахьынтәи ақалақьқәа даара иҧшӡаны иубарҭоуп.