Амза

Амза   Алагалажәа Амза ари аеҵәақәа апланетақәа реиҧш ижәҩантәу апланетақәа иреиуоуп. Амза Адгьыл аҩыза ауп, аҵарауаа уи Адгьыл аспутник ҳәа иашьҭоуп. Адгьыл аныгьежьуа, Амзагьы уи иацгьежьуеит иахыкәшо. Адгьыл аҟынтә Амза еиҳарак ианылашьцо иубоит, уи ҽынлагьы иубар алшоит. Адгьылаҟынтә Амза убар улшоит еиуеиҧшым аформақәеи ашәагаақәеи рыла. Интересуп уи ус изыҟоу? Мамзаргьы избан уи уахынла изыкаҷҷо, ирҳәоит Амза зегь реиҳа илашьцо, ихьшәашәо жәҩантә маҭәаруп ҳәа?   Амза азы   Ииашаҵәҟьан амза акаҷҷара алшаӡом. Уи ихьшәашәоуп илашьцоуп. Уи уахынла изырлашоу Амра ианыҷҷало алашара ауп. Аха, уи маҷуп убриаҟара имаҷуп, есуаха изымкаҷҷоугьы убри ауп. Ишдыру еиҧш, Амза адгьыл убасеиҧш иакәшоит азы ҳара ганк ауп иаабо. Егьи аган лашьцоуп азы Адгьыл аҟынтә иубаӡом. Аха аҵараауа аспутник ианаҧырҵа ашьҭахь, урҭ рыҧырраан ирылшеит Амза егьи аган асахьа аҭыхра, убри аҟынтә ҳара уи асахьа ҳдыруеит. Шәгәы ишҧаанагои, Амза есуаха аформа заҧсахуазеи? Избан уи зны изыгьежьуи, зны игьежьынаӡамкәа изыҟо? Амра Адгьыл адагьы Амзагьы арлашозаап, Амза иарлашо аган акәзаап иаҳбар алшо. * * * Адгьыл иқәынхо ауааҧсыра рзы даара аинтерес аҵоуп. Еиҳаракгьы аҵарауаа. Ауаа Амзахьгьы аҧырра рылшеит, уи еиҳа иааигәаны ирбарц. Аҵарауаа еилыркааит араҟа аӡгьы аҧсҭазаарагьы аҳауагьы шыҟам. Араҟа аҧсҭазаара ыҟаӡам, захьынџьара цаҟьароуп. Раҧхьаӡатәи акосмос ҕба Амзаҿы инаӡаз Америкатәи. Аполло 11 ауп. Уи Амзаҿы итәеит. 1969 шықәсазы, уи аҕба акомандирс даман Нил Армстронг. Аполло Аекипаж  иалахәыз ибзианы Амза ақәыҧшылара ҭырҵааит уи адагьы, Адгьыл ахь иааргеит еиуеиҧшым анаука ҭҵааратә материалқәа.   Ишҧаҟалеи амза Аҵарауаа интересс ирыман Амза шыҟалаз аилкаара, уи азҵаара аҭак аҟаҵара кыраамҭа ирымаӡамызт. Уи иашаҵәҟьо аҭак иахьагьы иҳаздырӡом. Аха иҟоуп зегь раасҭа ирылаҵәахьоу агәаанагара Амза шыҟалаз ҳәа:        Анкьа, анкьаӡа зны Адгьыл аныҟалаз, уи апланета еиҧшыз астероид иареи еинҟьеит. Урҭ реинҟьара убасҟак иҕәҕәан, иҧыххаасаз Адгьыл аҧҽыхақәа акосмос иалаҧсеит. Акосмос аҿы иҟоуп убас еиҧш мыч ҷыдак, уи агравитациаҳәа иашьҭоуп, уи абзоурала урҭ иҧсаҟьаны иҟаз ахәҭақәа рҽеизыргеит. Иашаҵәҟьан, урҭ ахәҭақәа зегьы планетакны рҽыизыргеит. Иаанхаз ахәҭак Адгьыл анахыс иаанхеит, убри акәхеит Амза, уи нахыс уи Адгьыл иареи еиҩызцәахеит, ахаан еицырымҵуа игьаанхеит. Убри аҟынтә уи Адгьыл аспутник ҳәа иашьҭоуп.