Маикл Џьордан

Маикл Џьордан   Маикл Џьордан адунеи аҿы еицырдыруа спорт-сменуп, дымҵәышәымпы-ласҩуп. Уи изныкымкәа аолимпиатә медалқәеи, егьырҭ аҧхьахәқәеи дрыҧ-сахахьеит. Џьордан дахьыс-портсмену мацараз акәӡам дзырдыруа, уи дагьбиз-несменуп.  Маикл Џьордан Џьордан иаразнак ала ас деицырдыруа дҟамлеит. Иара иҧсы ахьынӡаҭаз аџьабаа ибон, иҽадцаланы аус иуан, аспорт иҽазыҟ-аиҵон. Игәы иҭаз, ихықәкы анагӡара дашьҭан шьаҿа-шьаҿа, игәыхәтәы дахьӡеит дааҟәымҵӡакәа иусура абзоурала.   Маикл Џьордан ихәыҷра Маикл Џьордан диит 1963 шықәса, жәабран 17 рзы Бруклин. Иашьа Ларри иареи ирызҳауан аусуҩы ҕар иҭаацәараҿы. Маикл 5-шықәса ихыҵуан иҭаацәа Аҩадатәи Каролинаҟа нхара ианиасуаз. Аспорт аганахь ала абаҩхатәра шилаз гәазҭаз иаб иоуп. Данқәыҧшыз Маикл иаб даара қәҿиарала ихәмаруаз мҵәышәымпыла-сҩын. Уи 6-шықәса зхыҵуаз иҷкәын хәыҷ иазыҟаҵара далагеит. Маикл 10-шықәса анихыҵ, иаб апрофессионалтә азыҟаҵаҩ дизиҧшааит. Маикл абжьаратә ҵара иоуит Аҩадатәи Каролина. Аҵара бзиан изҵоз аҵаҩцәа дреиуан. Ашкол даналга ашьҭахь иҧсҭазаара зегьы амҵәышәымпыл иазикит.     Маикл Џьордан иеихьӡарақәа Маикл ихәмаршьа ахәаҧшцәа даара  иргәаҧхон. Ахәаҧшцәа ирацәаҩӡаны иара дызлаз ахәмаррақәа рахь иныҟәон. Маикл аҧхьахәқәа рацәаны иоухьан, хынтә зегь реиҳа зыхә ҳараку ахәмарҩы ҳәа ихьӡ рҳәахьан. Сезонк ала 3000 очко игахьан. Даҽа хәмарҩык илымшацыз илиршахьан. Аспорттә еихьӡарақәа Маикл ахьӡ дуи аҧара рацәеи ирҳартә аҭагылазаашьа ирҭеит. Уи дҭырххьан акыр аӡыргаратә роликқәа рҟны. Зегь реиҳа ирылаҵәаз акакәыны иҟалеит НАИК  афирма аӡыргараз иҟаҵаз аролик. Ҧыҭраамҭак ашьҭахь иаалырҟьаны амҵәышәымпыл асра даҟәмҵит. Уи даара ирзымбатәбарахеит, ргәы иалсит иара ихәаҧшцәагьы, икоманда иалахәызгьы. Амҵәышәымпыл анынижь ашьҭахь, Маикл абеисбол ахь диасит. Абас еиҧш аспортсмен ихымҩаҧгашьа зыхҟьаз иаб иҧсроуп. Уи иаб иқәлан ддырҳәит, дагьыршьит. Ари ахҭыс убри аҟара Маикл ишьара дықәнарҟьеит, амҵәышәымпыл асра зынӡа иаанижьырц иӡбеит. Аха ҩышықәса рышьҭахь еиҭа ахәмарра далагеит. Дхынҳәит иара ахәмарра дахьалагаз, икоманда Чикаго Буллс ахь. Иагьазааигеит аиааира ақәҿиара дуқәа. Уи ашықәсан Чикаго Буллс ачемпионат иааиааит. 2003 шықәсазы Маикл Џьордан ихиркәшеит ахәмарҩы икариера. 2006 ш. азы 17 шықәса дызцынхоз иҧҳәыси иареи еилыҵит. Иахьа уи иҷкәын еиҳабы Џьеффри дицхраауеит. Џьеффри иаб ишьҭра дықәлеит. Иаргьы даара дымҵәышәымпыласҩы бзиоуп. Иангьы иабгьы рыҷкәын иқәҿиарақәа ирзыҳаҵҳаҵоит. Иахьа Маикл Џьордан дынхоит Иллиноис, Хаиланд парк аҟны, абизнес инапалакуп.