Аеҵәақәа

Аеҵәақәа   Алагалажә (Вступление) Иубахьазар акәхап еҵәала иқәҵоу уахынлатәи ажәҩан. Иҟалап уи уаҧхьаӡарц уалагахьазаргьы? Ус ауп, урҭ узыҧхьаӡаӡомызт аҵыхәтәанынӡа… Ажәҩанаҿ убасҟак аеҵәақәа рацәоуп, урҭ ҧхьаӡашьа рымаӡам. Аеҵәақәа даара иаҳцәыхароуп. Еҵәақәак хароуп, еҵәақәак ааигәоуп. Хараӡа иҟоу аеҵәақәа убаӡом. Аеҵәақәа Адгьылаҿы ишаабо еиҧш иҟаӡам. Аеҵәақәа дуӡӡоуп, акосмос аҿы зынӡа даҽакала иубоит.                       Изеиҧшрои аеҵәақәа Аеҵәа ахимиатә хәҭақәа рыла ишьақәгылоуп. Еиҳарак уи аводород атомқәа рыла ишьақәгылоуп. Аводород атом, ари химиатә хәҭоуп, уи есааира еиҭаҵуеит. Уи ареакциаҳәа иашьҭоуп. Аеҵәақәа ании инаркны, уи ахәҭақәа иаразнак аиҭаҵра иалагоит, урҭ аанҿасрада еиҭаҵуеит. Усҟан аеҵәа иазҳауеит, уи ашықәс иацлоит, нас ашьшьыҳәа иажәуеит. Аеҵә заҟа идуу, ихьанҭоу аҟара, лассы иажәуеит. Аеҵә анажәлакь «иҧсуеит», уи ахәҭа хәыҷқәа еиҭах аеҵә ҿыц алҵуеит. Еҵәак аҧсра, даҽа еҵәак аира иацхраауеит. Уи зынӡа иҟаӡамшәа ианыӡааӡом. Аеҵәақәа доусы рыҧштәы рымоуп. Еҵәақәак жәҩангәыҧштәы рымоуп, даҽа еҵәақәак ҩеижьуп, ма ишкәакәоуп. Уи зыхҟьо урҭ шоурала иахьеиҧшым ауп. Зегь реиҳа зшоура ҳаракыу ишкәакәоуп – жәҩангәыҧштәыла еилыҧхаауеит, еиҳа зшоура ҳаракӡоу – рыҧштәы ҟаҧшьуп. Зегь реиҳа зшоура ҳаракыу аеҵәа 30000 градус инаӡоит.   Аеҵәақәа рзы афактқәа Иҟоуп идуу ихәыҷуи аеҵәақәа. Ижәдыруама шәара Амра шиаҵәоу? Шәгәы иаанагозар ҟалап уи акосмос аҿы зегь раасҭа идууп ҳәа, аха уи ус акәӡам. Амра шәагаала ибжьаратәу еҵәоуп. Амра аасҭа еиҳаугьы, еиҵоугьы аеҵәақәа ыҟоуп. Иҟоуп зхала иҟоу аеҵәақәа, иҟоуп ҩба-ҩбала иҟоугьы. Иаҳҳәап – Амра зхала иҟоу еҵәоуп, аха аеҵәақәа реиҳарак ҩба-ҩбала иҟоуп. Акосмос аҿы иҟоуп амч ҷыда, уи агравитациа ҳәа иашьҭоуп, уи амчала аеҵәақәа амхылдыз мчы рымазшәа еиднакылоит. Адгьыл аҟынтәи аеҵәақәа еиҭамҵуазшәа иубоит.   Ҳара урҭ есымша џьарак иҟоушәа иаабоит. Аиашазы, аеҵәақәа лассы-лассы еиҭаҵуеит, ана-ара инеиааиуеит. Ҳара урҭ рсахьа ҭыхны, икнарҳазшәа иаабоит. Уи ус иаҳбоит Адгьыл иацәыхараны иахьыҟоу азы, акәицхәыҷқәа реиҧш иаабоит, иагьҳазгәаҭаӡом урҭ шеиҭаҵуа.   Аеҵәақәа рыцклаҧшра даара интересуп, аҵарауаа уи лассы-лассы имҩаҧыргоит. Ус иҟоу аҵарауаа – астрономцәа ҳәа ирышьҭоуп. Аеҵәақәа ателескоп ала ирыцклаҧшуеит. Урҭ аеҵәақәа рыдагьы, апланетақәа ирыцклаҧшуеит, Амзагьы иацклаҧшуеит. Аеҵәақәа, апланетақәа, амра, амза зегьы космоскаҿы иҟоуп, убри аҟынтә урҭ астрономцәа иҭырҵаауеит.   Аҵыхәтәажәа (Послесловие) Аеҵәақәа ирызкыу ашәҟәқәа рацәоуп, ҳаҧхьаҟа урҭ еиҳагьы еиҳахоит. Аеҵәақәа рыҧсҭазаара даара интересуп, урҭ ирызкыу еиуеиҧшым афактқәагьы рацәоуп. Макьана шәхәыҷуп, аха ишәызҳар, шәаҧхьаҟа еицырдыруа астраномцәаханы шәшыҟало шәахәыцуа. Урҭ ирызкыу ашәыҟәқәа рыҧхьара адагьы, шәара ажәҩан ҵәцаҿы ишәылшоит аеҵәақәа рыцклаҧшра,. Иҿыцу еҵәак жәбозар, уи шәара ишәтәны ишәыҧхьаӡаргьы алшоит, ахьӡ ашәҭаргьы ауеит.