Абна

Абна   Абнаҿ иҟоуп аҵла. Абнаҿ иҟоуп ачықь. Абнаҿ иҟоуп аҳаскьын. Абнаҿ иҟоуп анышә. Абнаҿ иҟоуп аҧстәқәа. Абнаҿ иҟоуп аҳауа. Абнаҿ иҟоуп аҧсҭазаара. Абнаҿ ирызҳауеит аҵиаақәа. Аҵиаақәа рыҳаракыра зеиҧшроу еиҧш, абна шоит аҩаӡарақәа рыла. Абна ушар ауеит х-еихагылакны. Хыхьӡа иҟоу аихагылаҿ инхоит аҵла дуқәа, абжьаратә еихагылаҿ – ачықьқәа. Ҵаҟаӡатәи аихагылараҿ - аҳаскьын, ашыцламшә, аргәыцқәа. Аҵиаақәа рыдагьы абнаҿ инхоит аҧстәқәеи аҧсаатәқәеи. Аҵиаақәагь, аҧстәқәагьы, аҧсаатәқәагьы еицынхоит абнараҿ. Аҵиаақәагь, аҧстәқәагьы, аҧсаатәқәагьы нхашьа рымаӡам хаз-хазы, еицымкәа. Аҵиаақәеи, аҧстәқәеи, аҧсаатәқәеи акрырҿеибаҵоит. Урҭ еицны ишьақәдыр-гылоит акрыфаратә еимадара. Аҳаскьынқәа, аргәыцқәа, ашыцламшә адгьыл аҟынтә ироуеит афатә, арахь дара рхаҭақәагьы аҧстәқәа рзы ифатәуп. Ашьабсҭа, аеш, ажьа, аҳәынаҧ, ача – ирфоит аҳаскьын, ашыцламшә, ашәҭқәа. Абгахәыҷы, амшә, аты, ақәыџьма, ауарбажә ичоит шәарах жьыла. Урҭ ирфоит: ашьабсҭа, абгахәыҷы, аеш, аҳәынаҧ, аҳәынаҧ ду, аҧсаатә.               Абнаҿ иубоит ашықәс иамоу аҧшь-аамҭакгьы. Аамҭақәа зегьы дара дара еиҧшым. Аӡынреи аҧхынреи зынӡа еиҧшым, ҭагалан иаҩызам ааҧынрагьы. Абнаҿ аамҭақәа рыҧшьбагьы уаҩы ишимбац иҧшӡоуп. Аӡын абнараҿ даара иҧшӡоуп. Абна зегь сы шкәакәала ихҩоуп. Абна зегь ҟәашкакараӡа иҟоуп. Аӡын абнараҿ ахьҭа ҕәҕәоуп. Абна аеҵәара зегь ашкәакәарахь ииасуеит. Аҧстәқәа зегьы рҭыҩрақәа рҿы рҽыҵәахны итәоуп. Амшә аҭыҩраҿ аӡынра зегьы имааҧшӡакәа ицәоуп. Ашьабсҭа абна илоуп, уи аӡынразы ицәом, аҭыҩраҿгьы аҽаҵәахуам, аҭраҿгьы иҭатәам. Афатә даара имаҷуп. Шәара ишәгәаламшәои, ашьабсҭа иафоит аҳаскьын, ашәҭқәа, ашыцламшә. Аҳаскьын ыҟам аӡын, убри аҟынтә ашьабсҭа афатә аҧшаара даара иацәыцәгьоуп. Аӡынра ашьҭахь иаауеит ааҧын. Ааҧынраз абна блахкыгоуп. Иӡыҭыз аҵаа аҳаскьын, ашәҭқәа, ашыцламшә, аҧстәқәа, аҧсаатәқәа зегьы ргәы арҭәуеит. Иҵаан иҟаз аҵлақәа аҧхарра анрыслак бҕьы иаҵәалеи шәҭылеи ихьҟаны иааҟалоит. Иҿыхоит аҧстәқәа, аҧсаатәқәа, аҵиаақәа. Аҧсабара дырҩегь ииаҵәахоит, илахҿыххоит. Абнаҿ аҧхын ааҧынра аҧсахуеит. Аҧхын уахьынаҧшлак зегь иаҵәароуп. Аҧхын шоуроуп. Ауаа абнахь ицоит ахьшәашәара иашьҭалан. Абнаҿ уиаҟара ишоураӡам. Аҵла дуқәа ирхылҵуа ашәшьыра даара хара инаскьоит. Аҧхынраз аҧстәқәа еиҳа рхы иахәоит. Рыфатә иашьҭоуп, иҩуа абна илоуп, аҵла иқәлоит, абна ӡыхь хшәашәақәа ирҭаланы иӡсоит. Аҧхынра ашьҭахь иаауеит ҭагалан. Ҭагалан амра уиаҟара ишӡам. Абҕьқәа афатә роуам, убри аҟынтә маҷ-маҷ акаҧсара иалагоит. Аӡын шкәакәазар, ааҧыни аҧхыни иаҵәазар, ҭагалан ҩежьуп, ихьыҧшшәылоуп. Абна зегь ҩежьӡа иҟалоит. Аха еснагь ииаҵәоу амзаҵлеи аҧсаӡи рыҧштәы рыҧсахӡом, ишиаҵәоу иаанхоит. Аӡын хьшәашәазар, аҧхын шоуразар, ҭагалан ҟәандароуп. Аха хәыҷы-хәыҷла ихьшәашәахо аҿынанахоит. Аҧстәагьы аӡын рҽазыҟарҵоит. Идырхиоит рҭыҩрақәеи, рыҭрақәеи, еиқәдыршәоит рыфатә, аӡын ирфаша.     Абнаҿ ашықәс аҧшь-аамҭакгьы хазыноуп, иссируп.