Анаҟәоуқәеи Аисбергқәеи

Анаҟәоуқәеи аисбергқәеи   Алагалажәа Анаҟәоуқәеи аисбергқәеи – ари аҵааршә ҿыҭ дуӡӡақәоуп, аха урҭ ҭыҧс иахьыҟоу ала дара-дара еиҧшӡам. Анаҟәоуқәа уҧылоит ахбаарсҭақәа рҿы, аисбергқәа аӡи аокеанқәеи рыҵаҟа. Урҭ рыҟалашьа апроцесс даара интересуп, уи акыраамҭагьы аҭахуп. Анаҟәоуқәа – аӡымшьа еиҳараӡак иахьеизакыу ҭыҧны иҧхьаӡоуп. Анаҟәоуқәа ахьыҟоу аҭыҧқәа беиоуп ихәшәу аӡыҵхәраақәа рыла, уи аџьыка зынӡа имаҷны иалоуп. Ус еиҧш иҟоу аӡқәа ӡыржәтәыс ишьоуп. Анаҟәоуқәагьы аӡымшьа рацәаӡаны ирылоуп. Урҭ иӡсо аӡы ихыу аҵааршә ҧҽыха дуқәоуп. Анаҟәоуқәа рыҟалашьа Анаҟәоу ҟаларц азы акыраамҭа аҭахуп, иара убас аҳауа ҧхара лаҟәузароуп. Анаҟоу – ари џьарак ирацәаӡаны еизгоу асы ауп. Асы кыраамҭа иуазароуп, аҳауа ҧхара лаҟәызароуп анаҟәоу ҟаларцаз. Ашьшьыҳәа, аамҭа цацыҧхьаӡа анаҟәоу аҧсасира иалагоит. Урҭ ирылшоит аҧхара аҵәахра. Амра аҕьны ианкаҧхо, анаҟәоу аӡыҭра иалагоит, убри аамҭазы уи, ҧшьынеижәи жәаба процент амрашәахәақәа аныҷҷалоит, нас шьҭахьҟагьы иархынҳәуеит. Иаанхаз жәа-процентк аҧхара, анаҟәоу арӡыҭуеит, уи ӡымшьаны иҟанаҵоит. Анаҟәоу ианыҷҷало амра ашәахәқәа анаҟәоу азы ихыхьчагоуп, уи зынӡа имӡыҭырц иацхраауеит. Аисбергқәа шыҟало Аисберг – ари анаҟәоу ахәҭак ауп. Аисберг анаҟәоу иаҟәҧоит, анаҩс аӡы иӡсо ихыуп. Лассы-ласс аисбергқәа уҧылоит Антрактидеи Гренландиеи. Зегьы иреиҳау аисбергқәа Антарқтида аҿықә иӡсо ихыуп. Аисбергқәа реиҳарак шкәакәоуп, еиҳа имаҷны иуҧылоит ииаҵәои ишьацҧштәылоуи аисбергқәа. Избан, аисбергқәа ҧштәырацәала изеилоу, анаука макьана ишьақәнамыргылаӡац, аҵарауаа ари азҵаара макьана аҭҵаара иаламгаӡац. Ишазгәаҳҭаз еиҧш, аисбергқәа аокеанқәа иӡсо ирхуп, уи ус еиҧш иҟоуп избанзар, урҭ ҧшьаала иӡыҭуеит. Аха иҟоуп ҭыҧкаҿы акыраамҭа еиҭамҵуа иаангылоугьы. Ус еиҧш иҟоу аисбергқәа, иҵаан иҟоу адгьылбжьахақәа ҳәа ирышьҭоуп. Ус еиҧш иҟоу иҵаау адгьылбжьаха Антарқтида иҟоуп, уи Аиааира ҳәа иашьҭоуп. Аҧхарра аныҳаракхалакь аӡыҭра иалагоит, иагьеиҭаҵуеит. Анаҟәоуқәеи аисбергқәеи шьақәгылашьала еиҧшуп, урҭ аҩбагьы ауаҩы изы ихәарҭоуп. Аха, аисберг даара ашәарҭара ацуп. Уи иӡсо аҕба иареи еиҿасыр, аҕба ҭанархоит. Аӡы ихыубаало аисберг рацәак идуум ахәҭак ауп, уи еиҳаны аӡаҵан иҵәахуп. Аҕбаҿы уи рызгәамҭар алшоит, аисберги аҕбеи еинҟьар рылшоит. Убри аҟынтә аисбергқәа ахьхыу, аҕбақәа рныҟәара шәарҭоуп. Аҵыхәтәажәа Иашоуп, ауаа зегьы ирылшаӡом анаҟәоуқәеи аисбергқәеи лабҿаба рбара. Саргьы урҭ сымбаӡац, даара рбара аинтерес сымоуп. Ирацәоуп адокументалтәи асахьаркыратә фильмқәа анаҟәоуқәеи аисбергқәеи ирызкыу. Урҭ аинтерес рыҵан еиҭарҳәоит иҟалаз афактқәа, анаукатә аартрақәа уҳәа уб. иҵегь. Шәара ишәылшоит ари аҧсабаратә цәырҵраз еиҳа ирацәаны аилкаара.