Кассиус Клеи

Кассиус Клеи Кассиус Марселиус Клеи еицырдыруа Америкатәи боксиоруп. Уи 61 еицлабра ихы алаирхәит. 56 еицлабраҿ – даиааит. Клеи дыззымдыруаз уаҩ дыҟамызт. 40 ш. анихыҵуаз дычмазаҩхеит, егьаанижьит абокс. Убринахыс абокс еицлабрақәа ихы рылаирхәуамызт. Адунеи аҿы уи зегь реиҳа иҕәҕәоу боксиорк иаҳасабала деицырдыруеит.   Кассиус Клеи ихәыҷра Кассиус диит Америка, Луисвилл ақалақь аҟны. Иҭаацәа уаа беиақәан. Кассиус данхәыҷыз иааиҭахыз зегь иман. Уи даара бзиа ибон аҿыханҵеи амузыкеи. Иаб дсахьаҭыхҩын. Кассиусгьы иаб еиҧш дсахьаҭыхыҩны дҟаларц рҭахын иҭаацәа. 12 шықәса анихыҵ Кассиус иҭаацәа ҳамҭас изаархәеит амаланыҟәа. Иара амаланыҟәа адәахьы ицәырганы, дақәтәан аныҟәара далагеит. Ус иаалырҟьан Кассиус изымдыруаз, иара иеиҳаз ҷкәына жыцәк дааидгылан, амалан-ыҟәа мчыла имихырц далагеит. Кассиус дгәааит, аха акгьы илымшеит. Ус иааит аполициа, Кассиус дрыҳәеит ицхраарц, ималаныҟәа ицәызгаз имырхырц. Аха аполициа ацхыраара ирымҭеит. Руаӡә, ақәҧашьа ҵатәуп ҳәа иабжьеигеит. Кассиус дгәаан аҩныҟа дхынҳәит. Убри нахыс уаҳа асахьаҭыхратә тетради акарандашьи имкит Кассиус. Иӡбеит абокс далаларц, ақәҧашьа бзиаӡан иҵарц. Уи иҧшааит рҽахьазыҟарҵоз азал, аҽазыҟаҵаҩи иареи еибадырит. Азыҟаҵаҩ днаихәаҧш-ааихәаҧшын, мап ицәикит. Кассиус азыҟаҵаҩ диргәыбзыҕырц даара иҽазишәеит. Акыраамҭа диацәажәон, абокс иирҵарц азы. Уи агәра ииргон, знык изҵар адунеи аҿы зегь реиҳа иҕәҕәоу, зегьы еицырдыруа боксиорны дшыҟало. Азыҟаҵаҩ игәы аныҧҵәаӡа, Кассиус аринг ашҟа анеира азин ииҭеит. Аринг аҟны уи диқәшәеит апрофессионалтә боксиор. Уи аҽны ҕәҕәала дықәҧон Кассиус. Азыҟаҵаҩ игәеиҭеит ари ахәыҷы даара ҟәышк шиакәыз. Абокс аҟны амч адагьы, иаҭахуп ахшыҩ. Убри аҟынтә азыҟаҵаҩ убри аҽны инаркны Кассиус иазыҟаҵара далагеит. Кассиус иқәҿиарақәа 12 ш. анихыҵуаз Кассиус дчемпионхахьан. Уи даиааины игеит ихадароу абоксиортә аҧхьахә – Ахьтәы напҭарҧа. Уи даара акыр иҽазыҟаиҵон. Еицырдыруа абоксиорцәеи иареи еиҧылон. Еиҧ-ыларацыҧхьаӡа иара даиааиуан. Зегь реиҳа иҕәҕәаны дыкшон. Знык иҭаҷкәым зықәшәаз, акыраамҭа ишьарахь дзааиуамызт, дзымгыло аринг аҟны дкажьын. Зегьы Кассиус иҧылара иацәшәон. Уи Аолимпиатә хәмаррақәа дрылахәын, дхынҳәит аиааира ду иманы. Кассиус иқәҧашьа аманера ихаҭа «аҧарҧалыкь аҧырра» ҳәа дашьҭан. «Аринг аҟны ҧарҧалыкьҵас уҧырлароуп, аха ашьхыц еиҧш уцҳалароуп, ушҳам рылауҵалароуп» – иҳәон иара.   Кассиус Клеи ихатә ҧсҭазаара 40 шықәса анихыҵуаз Кассиус Клеи бааҧсыла дычмазаҩхеит. Ихьит Паркинсон захьӡыз ачымазара. Уи уаҩы изымхәышәтәуа акоуп. Кассиус уаҳа дзықәҧомызт. Иҧҳа Леила илирҵеит абокс. Леила Клеи лаб еиҧш ларгьы адунеи дачемпионхеит. Лара дыриааит еицырдыруа абоксиорцәа аӡәырҩы. Кассиус Клеи ҧшьҩык аҳәса рҟынтә жәҩык ахәыҷқәа имоуп. Уи ихатә ҧсҭазаараҿ дзеиқәымшәеит. Убри азоуп абриаҟарантә ҧҳәыс дзааигазгьы. Кассиус аҧсылманра идикылт. Убри ашьҭахь Муххамед Али ҳәа иарҳәо иалагеит. Иахьа уи дырдыруеит ҩ-хьӡык рыла.   Аҵыхәтәажәа 2002 ш. азы Америкатәи аиҳабыра Клеи қҭ-шықәса ихыҵра азгәарҭеит. Иара илшамҭа дуқәа рзы изаартын аеҵәа, ианашьан аҳәынҭқарратә орден. Клеи дуӡӡа пату иқәуп Америкагьы, адунеи ахьынӡанаӡааӡогьы. Уи абокс алегенда ҳәа изырҳәоит. (Ҵыҧх Моххамед Али иҧсҭазаара далҵит).