Токио

Токио   Алагалажәа Иуаҳахьоума уара, Мрагылара аҳҭнықалақь аӡбахә? Уара уиашоуп, сара сазҵаауеит Иапониа аҳҭнықалақь – Токио … Зегь раҧхьаӡа, иугәалашәозар акәхап, Токио иадҳәало адгьылҵысрақәеи ацунами рыӡбахә. Уара уиашоуп, ари ақалақь аҿы ласы-ласс адгьылҵысрақәеи ацунами ҟалалоит. Аха, егьа ус иҟазаргьы, Токио адунеиаҿы ауааҧсыра рацәаны иахьеиланхо қалақь дуӡӡоуп. Токио иалаҧшырц есышықәса ауаа рацәаны иаҭаауеит, аимператор ихан, ахан ҳаракӡақәа, ижәытәӡатәиу амузеиқәа, ауахәамақәа, Гинӡиа араион, Адиснеиленд – арҭ Токио аҭыҧ ҧшӡақәа иреиуоуп. Убри аҟынтә, ауаа зегьы излауала, ари ақалақь азы ирацәаны еилыркаарц рҭахуп … Шәааи, ҳаргьы аамҭа мгакәа, аныҟәарақәа Токиаҟа ҳалагап, иагьеилаҳкаап, Мрагылара аҳҭнықалақьаз иҿыцу рацәаны. Токио Токио шьҭоуп Иапониатәи адгьылбжьахақәа Конто акаршәра дуӡӡаҿы. Уи зқьи аашәи ханеижәижәба шықәсазы Амра Ахьгыло Атәыла иаҳҭнықалақьхеит. Усҟан ауп, Токио иара ахатәыхьӡ аноуз, уи мрагыла аҳҭнықалақь аанагоит, уи аҧхьа ари ақалақь Иеддо ахьӡын, егьырҭ иапониатәи ақалақьқәа излареиҧшымыз акагьы ыҟаӡамызт. Ари аҧсыӡкырҭа иаҭыҧ хадан. Токио ианыҧшуеит ажәытәи аҿатәи реилысра. Араҟа иҟоуп ҳаамҭа иақәшәо аргыларақәеи аҩнқәеи, урҭ рааигәа игылоуп ижәытәӡатәиқәоу ауахәамақәа. Токио ҳаамҭа иақәшәо амодеи атехникеи ирҭыҧ хадоуп. Убри аамҭазы, Токио еиқәханы иҟоуп ажәытә Иеддо атрадициақәеи, уи аҧсыӡкратә культуреи. Иудыруама уара, Токио ҩажәихҧа административтә хәҭақәа шеиднакыло? Иудыруама уара, Токио ҩажәихҧа административтә хәҭақәа шамоу, адунеиаҿы зегь реиҳа идуу қалақьны ишыҟоу. Иудыруазма уара, Токио амҩа хәыҷқәа рыдагьы, уи ауаҩ дызқәнымхо адгьылбжьахақәа шамоу? Урҭ адгьылбжьахақәа Токио инаркны, шәи ҧшьынеижәажәаба километра инаӡоит. Иуаҳахьазар ҟалап, Токио абанкқәа рацәаны ишыҟоу? Иуаҳахьоума уара, Токио, Лондони, Ниу-Иорки инарыдкылан, абанк дуӡӡақәа ишырхадоу? Иуаҳахьоума уара, Токио зегь иреиҕьу аихамҩатә еимадара шыҟоу? Иудыруазма уара, ҩнызқьи фба шықәсанӡа, Токио адунеиаҿ зыхә ҳаракыу ақалақьқәа ишреиуаз? Иудыруазма уара, Токио Азиа зегьы раасҭа ииаҵәоу ақалақьқәа ишреиуоу? Иуаҳахьазар ҟалап Токио атрагедиақәа ртәы: Токио лассы-ласс атрагедиақәа ҟалоит, адгьылҵысрақәа, цунами, аекологиатә катастрофақәеи … Иуҳахьоума, Токиатәи аҧсыӡтә џьармыкьа аӡбахә? Токио зегьы еицырдыруеит аҧсыӡтә џьармыкьақәа рыла. Токиатәи аҧсыӡтә џьармыкьа (Цукижи), адунеиаҿ еиуеиҧшым аҧсыӡ хкырацәарала зегьы иреиҳауп. Токио аҭыҧҷыдарақәа (ахазынарҭақәа) Мидтаун Мауер Токио ажәҩан ҵзыҧссо аҩнқәа ирықалақьуп, егьырҭ ақалақь дуқәа рыҩны дуӡӡақәа раасҭа, араатә аҩндуқәа еиҳа еиҵоуп (илаҟуп). Уи адагьы, Токио ҩеижәижәеиза метра еиҳау аргыларақәа рзин ыҟаӡамызт. Хымҧада, уи ус иҟан избанзар, ара лассы-ласс адгьылҵысрақәа ҟалоит. Зегь акоуп, Токио аҵыхәтәантәи ҩынеижәижәаба шықәса раахыс, идыргылеит ахан дуӡӡақәа. Урҭ инарылукаартә иҟоуп, ҩнызқьи быжьба шықәсазы идыргылаз «Мидтаун Мауер». Ари ахан дуӡӡа ахьӡ аагоуп Ниу-Иорктәи араионқәа руак, Мидтаун аҟынтә – абас ахьӡын Ниу-Иорктәи анхарҭаҭыҧ. Мидтаун Мауер Токио зегьы иреиҳаӡо ргылароуп. Аимператортә хан Токио аҭыҧ хадақәа иреиуоуп Аимператортә хан. Аимператортә хан азежәтәи ашәышықәсазы идыргылеит. Аимператортә хан ахь атәылауаа есымша анеира азин рымаӡам. Уи иаҭаауа рзы иаартуп, шықәсыкахь ҩынтә – аимператор имшиираз декабр ҩажәихҧеи, Ашықәс Ҿыцаз ианар ҩбеи рзи. Аимператор имшиира, Иапониа, зқьи аашәи ханеижәи жәаха шықәса раахыс, милаҭтә ныҳәан иазгәарҭоит. Иахьатәи, аимператортә хан аҭыҧан ауахәама Иеддо ыҟан. Иеддо, шәара ишәгәалашәоит ари Токио ажәытә хьӡуп. Иеддо ауахәама, адунеи аҿы зегьы иреиҳаз уахәаман иҧхьаӡан. Уи дыргылеит жәибжьтәи ашәышықәсазы. Иеддо ауахәама зқьи фышәи ҩынеижәи жәибжь шықәсазы иблит. Зқьи аашәи ханеижәижәба шықәсазы Токио, Иапониа иаҳҭнықалақьхеит, ари аҭыҧ аимператор иханны иҟалеит. Иара ахан, зқьи жәшәи ҩажәихҧа шықәсазы адгьылҵысраани, Аҩбатәи адунеизегьтәи еибашьраан абомбақәа ахьаахази, акырӡа аҧхасҭа аиуит. Уи ҿыцны еиҭааргылара ақәшәеит. Аимператортә ханаҿы инхоит аимператор иҭаацәеи иареи. Ахан аусурҭатә ҭыҧқәеи анхарҭатә ҭыҧқәа шамоу еиҧш, асасааирҭақәеи, административтә ҭыҧқәагьы амоуп. Аимператортә хан зегьы еицырдыруеит, иара иаҵанакуа абаҳчарақәеи абнақәеи рыла. Аимператортә хан, ари зегь раҵкьыс зыхә ҳараку ҭыҧуп. Ахан иаҵанакуа адгьылҭыҧ, Калифорниа аштати ЕАА аштати аҵкьыс ахә еиҳауп. Абнарақәеи абаҳчарақәеи аханаҿы зегьы ирхадоу ҭыҧуп. Ахан еихшоуп ҧшь-баҳчакны. Гиндзиа амҩаду Акоммерциа аганахь ала Гиндзиа амҩаду, ақалақь аҭыҧ ҧшӡарақәа ирхадоуп. Ари, акы еиҧшым амҩаду, Токио аҭыҧҷыдақәа ирхыҧхьаӡалоуп. Гиндзиа, ари, ахәаахәҭырҭақәа, аресторанқәа, абанкқәа рацәаны измоу, Токио иҟоу аҭыҧ хадақәа иреиуоуп. Ари араионаҿ иҟоуп иара убас, амузеиқәа, ауахәамақәа. Ари амҩаду, захьынџьара алашара анаркыу ссиршәа иҧшӡоуп уахынла. Гиндзиа зқьи фышәи жәаҩа шықәсазы афинанстә центрқәа ирхадахеит. Зқьи фышәи жәаҩа шықәсазы, ара идыргылеит Аҧара ашҭа. Уара иудыруеит Аҧара ашҭа закәу, ари аҧара ахьыҟарҵо аҭыҧ ауп. Интересуп, избан ари амҩаду Гиндзиа захьӡу. Гиндзиа – «Гин» иапон бызшәала иаанагоит араӡны, «а» гиндзиа иаанагоит, араӡны хани ахәаахәҭратә ҭыҧ хадеи. Гиндзиа, аханатә афинанстә хәаахәҭырҭатә ҭыҧ хада анакәха, уи иашьашәалаз ахьӡгьы арҭеит. Гиндзиа, Иапониа даараӡа ирацәаны иуҧылоит. Араҟа фышә ҭыҧ инарзынаҧшуа убас рыхьӡуп. Аамҭақәак рнаҩыс, арҭ аҭыҧқәа плаза ҳәа ахьӡ рырҭеит, Токио араион мацара ауп Гиндзиа ҳәа зыхьӡ рҳәо. Гиндзиа араион аҿы, фхәахәҭырҭатә ҭыҧ дуқәеи, адунеиаҿ еицырдыруа амаҭәақәа рдизаинерцәа, ҩажәижәаба рбутики ыҟоуп. Араҟа, шәара иаашәхәарц шәылшоит, иҿыцӡоу атехникеиҧш, еицырдыруа адизаинерцәа рмода маҭәақәеи. Еицырдыруа адәқьанқәа рыгәҭа, Гиндзиа шәара ижәбар шәылшоит, Кристина Диор, Тиффани, Гуччи, Гермес уҳәа адәқьанқәа. Гиндзиа атуристцәа рзы зегь раҵкьыс уздызыҧхьало аҭыҧқәа ируакуп. Токиатәи адиснеиленд Иуаҳахьазар ҟалап, Токиатәи Адиснеиленд аӡбахә. Ари зегь раасҭа Токио еицырдыруа ҭыҧуп. Токиатәи Адиснеиленд адунеиаҿы аабатәи аҭыҧ ааннакылоит, атуристцәа зҭаауа, мамзаргьы иааҭаарц зҭахыу рыла. Токиатәи Адиснеиленд, ахәыҷқәа ирхамышҭуа гәалашәаран иаанхоит. Токиатәи Адиснеиленд аҿы иҟоуп атракционқәа рацәаны, атеатртә қәыргыларақәа ахьымҩаҧырго, иара убас аконцерттә ҭыҧқәа аамҭа лахҿыхны ахгаразы. Токиатәи Адиснеиленд, ари ахәыҷқәеи адуцәеи рзы иреиҕьӡоу ҭыҧуп.