Аҵанцәа раҳҭынра

Аҵанцәа раҳҭынра   Адунеиаҿ акы иацәымшәоз Аҵанцәа ҽнак зны иныҵабеит. Ирҳәоит, урҭ абамбасы аун, нас кәиц хәыҷӡак налашәан инықәӡаа ицеит ҳәа. Аиаша здыруада? Маӡоуп урҭ ахьцаз, иахьыҵабаз, иубар иаахә. Ирҳәоит, урҭ зегь иреиҳаз шьхак ажәҩан иаҵакьысуа аимҟьан, мҩамаӡак рзаатит, нас иныҵахәаша иахьцаз, иахьааз уаҩ изымдырӡо иныҵабеит ҳәа. Ирҳәоит уи Ашьха ссир даҽазнык ианаатуа, урҭ раҳра уаҭаар алшоит ҳәа. Ирҳәоит дыҟоуп ҳәа ҷкәна хәыҷ, Алакәқәа ртәылаҿ иахьагьы, уи ихьӡуп Кәынач дшыхәыҷу инхаз ахаан ихәыҷу, ҧсра-жәра зқәым иабду Кәана, Кәынта ианду – Кәакә, иаб – Кәана, иашьцәа Маџьи, Уаџьи, иаҳәшьцәа Кьакьалеи Кьытреи. Ирҳәоит урҭ раҳра кәыкәбааҭроуп ҳәа. Акәыкәбаақәа ҩныс ирымоуп ҳәа. Урҭ раҳраҿ қәа уам, сы ауам, ҧша асуам. Мышҳәабзазароуп. Аамҭақәа зегьы еилоуп. Рҵәаҵлақәа рыбжа ашәҭ аҿоуп, рыбжа ашәырҵла рыбжа, абҕьы каҧсоит, егьи азганк ашәҭ аҿоуп.Аӡиасқәа зегьы хшуп, рҟәарақәа зегьы бырлашла ихҟьоуп. Ахьи араӡни еилаҧсоуп, барақьаҭроуп, шәаҳәароуп, кәашароуп, гәырҕьароуп, ччароуп. Ҧсрагьы ыҟам, хьаагь ыҟам. Иҟалап урҭ аҵанқәа џьанаҭ гәашә рзаатызар, уи азыртыша амаӡа реиҳәазар, уи ҽнак аҧшқа зыхьтә-гара лбааз ажәҩан? Издыруада? Уи ихьӡ аӡәгьы издырӡом, иахьанӡагь маӡоуп. Аҵанцәа рыҧсы еиҧш бзиа ибаны ирааӡаз, абзиара ззыруз зымаӡақәа ззаадыртыз маӡак, ицәырымҵәахыкәа иҟам. Иарах, абзеира аҭак ацымхәра изыцәшәоз, цәшәара шаҭахымыз агәра диргарцаз, ирзааируеит урҭ зыцәшәоз абамба асы. Уи иналашәеит акәиц, уи ауаҩы ишәара акәын, адунеи амца анакы, ҧсыхәа ыҟамкәа ианыҟала, рхы иадырхәеит рымаӡаҧшьа рыҧсы иахдмырзоз, уи ажәазаҵә иаанартит уи ашьха џьанагәашә, ацыҧха маӡа ажәак акәын, амҩа арыхәыц аҟара ипан, мацәыс еимҟьара рхы иархәан урҭ рыҧсы еиқәдырхеит, аха дабацо уи аҷкәын хәыҷ урҭ аҵанқәа ирааӡаз, дабацеи? Анаҩстәи ҳлакә Кәынач иаҳҭап уи азҵаара. Дабацеи рфырхаҵа, урҭ иҧсахыу, мамзаргьы, урҭ иҧсы рыхҭынҵаны иахьагьы дрыцу, мамзаргьы урҭ раҿыхраз иҧы рықәиҵо. Анаҩстәи ҳажәабжь Кәынаҷ ҳаизыӡырҩып.