Асакара

Асакара   Аҧхьажәа Асакара адунеи аҟны зегьы реиҳаӡа ишу, ибоу ҭыҧуп. Уаҟа ақәа зынӡагьы илеиуам. Џьара-џьара ақәа 400 шықәса ҵуеит имлеижьҭеи. Ҽынла асакара аҟны даараӡа ишоуроуп, лассы уаҟа 60 градус еиҳаны ашоура ыҟоуп. Ҩынтә еиҳа ишоуроуп ҳара ҳаҟны аҧхын ашоура бааҧсы ацкьыс. Уахынла даараӡа ихьшәашәароуп. Уаҟа аҧслымӡ ашьхақәа зқьы километр инеиуеит. Асакара аҟны амҩа аилкаара даараӡа иуадаҩуп. Иҟалар ҟалоит акыр мшы аныҟәара, аха аҧслымӡ аизгақәа рыда уаҳа зыҧсы ҭоу акгьы уҧылом. Асакара аҭынчра аҧша абжьы еиланагоит. Уаҟа ашоуреи, ахьҭеи, аҧслымӡи роуп иныҟәо. Убри аҟнытә асакара аҟны аӡәы имацара иныҟәара даараӡа ишәарҭоуп. Ауаа уаҟа агәыҧ дуқәа рыла рҽеизыргоит, убас иныҟәоит. Асакара аҟны аӡәгьы дынхом. Уи лассы адгьыл аҟны иҧсу аҭыҧқәа ҳәа ирышьҭоуп. Асакара Адгьыл аҟны асакарақәа аконтинентқәа зегьы рыҟны иаҳҧылоит, Антрактида ада. Уи аҭыҧ рацәа зҵаку иҩажьу ма ишкәакәоу ҧслымӡ аизгақәа роуп. Асакара аҭыҧ еснагь аҧшра аҧсахуеит аҧслыӡ аҧшатлаку амшала. Асакара аҟны анхара цәгьоуп. Убри аҟны уаҟа ақалақьқәа уҧылом. Аҧслымӡ аизгақәа рҿы даараӡа аҧстәы маҷ уҧылоит. Урҭ ашора ачҳара рылшом. Асакара аҵиаа даараӡа идуу адацқәа рымоуп, ус урҭ аӡы рылалоит адгьыл аҟнытә. Зны-зынла аӡы иҷыдоу амахәқәа рҿы ирцәахуеит, ашоура аан рхы иадырхәоит Асакара аҟны аҧсҭазаара, Оазисқәа Асакар ари идууӡӡоу, ҧсҭазаара ахьыҟам амшын аҟны џьара-џьара иаҳҧылоит аеҵәара ҭыҧқәа, оазисқәа. Оазис аҟны адгьыл аҟнытә аӡы ыҵҵоит, убри аҟнытә уаҟа анхара алшара ыҟоуп. Адгьыл аҵаҟа аӡы аныҵабо, оазис аҟны аҧсҭазаара нҵәоит. Уаҟа инхо ауаа аҿыц оазис аҧшаара иашьҭалоит. Абедуинцәа Сахаратә асакар аҟны ахьшьцәа, абедуинцәа нхоит. Урҭ лассы иныҟәоит, избанзар оазисқәа рҟны аӡы ыҵабоит. Абедуинцәа ахьыӡ рымаӡам. Урҭ ақьалақәа рҟны инхоит. Ақәҵра рықәшәар рқьалақәа ықәганы ирыманы ацара рзымариоуп. Аныҟәара аан ирцәыхәлар, абедуинцәа амца еиқәырҵоит. Абедуинцәа амаҭәа шкәакәа ршәуп. Ашора аҟнытә иахьчоит. Рхырҿы ҭаҳәҳәоуп, амра иамблырц азы. Абедуинцәа рымаҭәа амахҽқәа рыла еиҭаргоит. Амахҽ асакара аҟны зегьы реиҳаӡа идуу ҧстәуп. Уи амч ду алоуп, ирласы иҩуеит. Уи адагьы уи асакара аҟны афатәи, аӡыи рыда мызкы иалшоит. Амахҽ афатәи, аӡи аҟәаҟәа аҟны ицәахны иамоуп, нас хәыҷы-хәыҷы иннахоит. Аныҟәара аан абедуинцәа рҽеизыргоит. Реидара амахҽқәа ирықәырҵоит, зегьы реиҳаӡа ихәыҷу аҵәҵәа ахарҵоит рымҩа иқәлоит. Аҵәҵәа абжьы асакара аҟны акыр ихараны иуаҳоит. Уи егьырҭ адырра рырҭоит, акараван шаауа. Амахҽ ада, асакара аҟны инхоит асакаратә ажьа, абга лымҳаду, амаҭ, аҵәы змоу аҳәынаҧ… Урҭ зегьы ашоура ахьыҟоу аҭыҧ аҟны анхара рылшоит. Аҵиаа аҟнытә; акактуси, баобаби, калмеи ирызҳауеит.