Аҧхьаӡара

Аҧхьаӡара   Ацифрақәеи, арыцхәқәеи рыхьыӡқәа аҧхьаӡара ахьӡуп. Урҭ жәаба ыҟоуп: 0, 1, 2, 3, 4, 5, 6, 7, 8, 9. Арыцхәқәа ацифрақәа рыла ишьақәгылоуп. Иаҳҳәап, 10 аки (1), нули (0) рыла ишьақәгылоу рыцхәуп. 45 – ҧшьбеи (4), хәбеи (5) рыла. Аҧхьаӡара аан ацифрақәеи, арыцхәқәеи ҳхы иаҳархәоит. Ахәыҷқәа аҧхьаӡашьа изыхәыҷу ирҵоит. Урҭ аҩны ма ахәыҷбаҳча аҟны ирҵоит. Зегьы реиҳаӡа ибзианы аҧхьаӡашьа ахәыҷы ашкол аҟны иҵоит. Аҧхьаӡара анҵәара амаӡам. Ацифрақәа 10 роуп иҟоу. Ахыҧхьаӡара нҵәара ақәымкуа инаӡоит. Убри аҟнытә ахәыҷқәагьы иааҟәымҵӡакуа иҧхьаӡалар рылшоит. Амаҭәахәқәа зегьы рыҧхьаӡара ҟалоит. Иаҳҳәап; ҵәак, 5 ҧаҭырқалк, 13 канфеҭ, уҳәа уб.иҵ.Ирҧхьаӡоит ҧхьаҟеи, шьҭахҟеи. Аҧхьаҟа аҧхьаӡара уи ихәыҷу арыцхә аҟнытә аду ахь аҧхьаӡара ауп. Шьҭахьҟа уи дуу аҟнытә ахәыҷы ахь аҧхьаӡара ауп. Ҧхьаҟа аҧхьаӡара акыр еиҧшуп амардуан ақәлара. Шьҭахьҟа уи амардуан алыбаара еиҧшуп. Аҧхьаӡара адырра зегьы рзы ахадара ду амоуп. Уаҩы уи зехьынџьара ихы иаиырхәоит. Иаҳҳәап шәарҭ адәқьан шәыҩналоит, ҩшоколадк аашәхәарц азы. Ижәдыруазар ауп ҩба шаҟа ыҟоу. Ашоколадқәа шәҧхьаӡар ауп. Уи ала ижәдыруеит ашоколад шаҟа иркуа, насгьы аҧара шаҟа шәзаанхаз. Аҧхьаӡара адырра ацхыраара шәнаҭоит математика ибзианы аҵараҿы. Аҧхьаӡара уадаҩӡам. Ахәыҷқәа шьоукы аҵара ианалагалакгьы аҧхьаӡара аҵара рцәыуадаҩуп. Усҟан урҭ ирылшоит аҧхьаӡагатә ҵәқәа, ма рнацәкьысқәа рхы