Игуасу

Игуасу   Игуасутәи аӡхыҽҽа Алада Америкатә аконтинент аҟны иҟоуп. Уи ҩтәылак Аргентинеи, Бразилиеи адгьыл аҟны иҟоуп, аха уи аиҳарак Аргентина иатәуп. Игуасутәи аӡхыҽҽа 20 адуқәеи, 225 ихәыҷу аӡхыҽҽқәа рыла еилоуп. Уи аӡиас Игуасу аҟны иҟоуп. Игуасу аҭыҧынтәи абызшәала “Аӡы ду” аанагоит, уи ари аӡхыҽҽа ахьыӡ иаҧсоуп. Аӡхыҽҽақәа шьоукы 84 аҳракыра аҟнытә ихыҽҽоит. Зегьы реиҳаӡа ихәыҷу 64 метра аҟнытә илеиуеит. Игуасу Ниагаратә аӡхыҽҽа аҵкьыс акыр идууп, аха аӡхыҽҽа Викториа акыр еиҵуп. Аӡхыҽҽқәа зегьы ахьыӡқәа рымоуп, иаҳҳәап, “Адами, Евеи”, “Ҩыџьа аеҳәшьцәа”, “Хҩык амушкетерцәа”, “Аҩсҭаа ихәда”, уб.иҵ. 1984 шықәса инаркны Игуасутәи аӡхыҽҽеи, уи ааигәа сигәа иҟоу амилаҭтәи апаркқәа ИУНЕСКО адунеитә аҭынхара асиа иалоуп. Уи адагьы, Игуасутә аӡхыҽҽа Аргентинатә аиҳабыреи, атәылауааи иахӡыӡаауеит, ирыхьчоит, Уи уажәшьҭа ИУНЕСКОгьы иабоит. Игуасу ашьақәгылара иазку алегенда Алада Америка ижәытәӡоу ахылҵшьҭра амиҭологиа аҟны иаанхит амиф Игуасу аӡхыҽҽа ашьақәгылара иазкны, Уи ибааҧсу, даараӡа иҕәҕәоу анцәа Бои игәаареи, ихыбаареи амшала ишьақәгылеит. Бои даараӡа иҧшӡаз ӡҕабк бзиа дибозаарын, уи ҧҳәысс дигар иҭахын, аха аӡҕаб ибааҧсыз анцәа бзиа дылбомзт. Уи бзиа илбоз, аҧсра иаҿыз аҷкун дицны ибналеит. Бзиа иебабоз абнларазы ӡиаск алырхит, аканое ала ирит. Уи анцәа ианиаҳа даараӡа иҕәҕәаны дгәааит. Иаҧса ду аашьҭихын аӡиас Игуасу иҭеиқшеит, уи аҭыҧ аҟны иаразнкала аӡхыҽҽқәа цәырҵит. Бзиа еибабоз аӡхыҽҽа ианнадгыла, аканое аӡхыҽҽа иалҟьеит, рыҩџьагьы аӡы иагеит. Аӡхыҽҽа иахьгьы иҟоуп уи бзиа еибабоз рыхҭыс ҵәахны иамоуп. Игуасу аҟны иҭыху афильмқәа 1. 2007 шықәса аӡхыҽҽа Игуасу аҟны иҭырхит адокументтә фильм “Адунеи аҟны зегьы иреиҳаӡоу аӡхыҽҽа” ахьыӡны. Афильм арежисер Қристиан Баумаистер иоуп. 2. Зегьы ибзианы ирдыруа афильм “Индиана Џьонси, абырлыш ахыбаҩ аҳреи” (2008) азы аепизодқәа руакы аӡхыҽҽа Игуасу аҟны иҭыхуп, уаҟа афильм афырхацәа аӡхыҽҽа аҟнытә иҧоит 3. Џьеимс Бонд изы афильм аҧшьбатәи асериа “Мунреикер ма даараӡа ирмаӡоу” аӡхыҽҽа Игуасу аҟны иҭыхуп, афильм анҵәамҭазы Џьеимс Бонд аӡхыҽҽа аҟнытә дыҧоит.