Ауаҩы

Алагалажәа       Амш  зехьынџьара иҟоуп. Амш аҽаҧсахуеит. Амш аҭыҧыи, аамҭеи ала аҽаҧсахуеит. Еиуеиҧшым аҭыҧ аҟны еиуеиҧшым амш ыҟоуп. Еиуеиҧшым аамҭазы еиуеиҧшым амш ыҟоуп. Еиуеиҧшым аамҭазы ҭыҧк аҟны, еиуеиҧшым амш ыҟоуп. Амш ашықәс аамҭақәа рыла аҽаҧсахуеит.   Ашоура        Ашуора ала иаҳдыруеит шаҟа ишыроу ма ихьшәашәароу. Мышқәак раан ашоура дууп, ишыроуп, мышқәак раан – илаҟәуп, ихьшәашәароуп, зных ус баша, иҧхароуп, иҟәандоуп. Ашоура шьҭыҵуеит / ихалоит, илаҟәуеит / алада илеиуеит. Ишҵасу ала амш зегьы еиҳарак иҳракуп. Амра иарҧхоит адунеи, адгьыл иара хыхь аҳауа арҧхоит. Уахынла ашоура еиҳа имаҷхоит. Адгьыл еиҳа ихьшәашәахоит, амра анӡаало. Аҳауа аҧсахра амш аҧсахра иамадоуп.   Аҧҭақәа        Аҧҭақәа иеуеиҧшым ауреи, аҧшреи рымоуп. Урҭ шьоукы ижәпоуп, шьоукых иҵаҕьоуп, елҧшаауеит. Шьоукы шкәакәоуп, шьоукы иахәаҧштәуп. Аҧҭақәа иеуиеҧшым аформа рымоуп. Аҧҭақәа шьоукы амш бзиа аанагоит. Еиқәаҵәоу идуу аҧҭа амш аҽаҧсахра иадҳәалоуп. Ажәҩан цқьа аҟны аҧҭақәа ыҟаӡам.           Мышқәак раан аҧҭақәа ажәҩан хырҩоит, уи амш еихашьшьыра аанагоит. Зны – зынла бжала ажәҩан хҩоуп.     Аҧҭақәа аӡыла ишьақәгылоуп. Аҳауа еснагь иалоуп аӡы ацәыкубар хуҷқәа. Аҳауа аҟны абааӡара шаҟа ирацәоу уи аҟара аҧҭақәа рацәоуп.   Аҧша       Аҧша иҵысуа ҳауоуп, уи аҧша зҿоу амш еиқәнаршәоит. Аҧша аласра аҽаҧсахуеит. Зны – зынла икуадоу аҧша асуеит, зны –зынла аҧша ҕәҕәа асуеит. Аҧша аласра  аҽанаҧсахуа, амшгьы аҽаҧсахуеит. Аҧша еиуеиҧшым ахырхарҭала иасуеит. Европа, Азиа, Аҩада Америка аҟны. Аҩадатәи аҧша еиҳарак амш хьшәашәа иатәуп.   Иара убас аҧша асыр ҟалоит Амрагылара аҟнытә, Амраҭашәара аҟнытә. Аҧша даараӡа ирласны ахырхарҭа аҧсахуеит. Уи ахыгьыжьра алшоит, ихаҵәиыр алшоит. Аҧша аокеан аҟнытә иасуа лассы еиҳа аҧҭа рацәеи, абааӡареи иадҳәалоуп.   Ақәеи, Асыи       Амш ақәа ма асы леир  алшоит. Ақәеи, асыи аҧҭақәа рыҟнытә илеиуеит, аҧҭақәа абааӡара рацәа анрылоу. Ақәа леиуеит аҧҭа иаакәыршаны инҧхароу. Зны – зынла даараӡа ақәа рацәаны илеиуеит. Ақәа рацәа иалшоит аӡиасқәа ирыцнаҵар, аӡхыҵра ҟанаҵар. Асы леиуеит аҧҭақәа иаарыкәыршаны. ианыхьшәашәароу. Асы адгьыл аҟны иаанхоит, адгьыл хьшәашәазар, иӡҭоит адгьыл ҧхазар. Асы анлеиуа аҧша ҕәҕәа иалшоит афырҭын ҟанаҵар. Асы аан амш хьшәашәоуп.   Аҧшатлаку       Аҧшатлаку амш ашореи, ахьшәашәареи аан иҟалар ҟалоит. Аҧшатлаку даараӡа иҕәҕәоу аҧша ауп, зны – зынла ақәа ҕәҕәа ацуп. Уи  адыди, амаҵәыси ацзар ҟалоит. Зны зынла асы ду леиуеит, аҧша ҕәҕәаны иасуеит. Ас еиҧш иҟоу амш аҷыхьмшы ахьӡуп. Иҕәҕәоу ихагьежьуа аҳауа еилакы, адгьыл иакьысуеит, уи аҧҭақәа анеинҟьо иахылҵуеит, уи торнадо ахьӡуп. Даараӡа иҕәҕәоу аҧша, амшын аҟны ацәгәырҧа  дуқәа ҟанаҵоит, адгьыл аҟны аргыларақәа ықәнахоит, еиланажьуеит уи аҧшатлаку ахьӡуп.