Рихтер иеихшарбага

Рихтер иеихшарбага   Рихтер иеихшарбага ашәагатә еихшарбагоуп. Рихтер еихшарбага ихәыцит Америкатә аҭҵаарадырҩы Чарлз Рихтер. Рихтер иеихшарбагала иршәоит адгьыл аҵысра амчыхара асеисмограф аҟны. Асеисмограф адгьылҵысра аҕәҕәара зларшәо маҭәаруп. Рихтер иеихшарбагала ирдыруеит шаҟа амчхара амоу адгьылҵысра. Рихтер иеихшарбага шьақәгылоуп 9 шәага ак рыла. Рихтер иехшарбага ак мхылдызтәуп · 1. Магнитуда амчхаратә адгьылҵысра – ауаа уи ирыздыруам. Асеисмологцәа роуп издырыр зылшо. · 2. Магнитуда амчхаратә адгьылҵысра – аргылара ҳракқәа ирдырыр рылшоит, ауаҩы маҷк идыруеит. · 3. Магнитуда амчхаратә адгьылҵысра – ауаа аҵысра рдыруеит. Адгьылҵысра арбгара ҟанаҵом. · 4. Магнитуда амчхаратә адгьылҵысра – икнаҳау амаҭәақәа ҵысуеит. Ижәытәу аргыларақәа шьоукы аршьар алшоит. · 5. Магнитуда амчхаратә адгьылҵысра – акыр иҕәҕәоу адгьылҵысроуп. Аҵысра аҩнуҵҟеи, адәахьи иудыруеит. Аҧенџьырқәа архыџьхыџьуеит. Лассы аргыларақәа аҧырхага роуеит. · 6. Магнитуда амчхаратә адгьылҵысра – иҕәҕәоу адгьылҵысра ауп – аҭыӡқәа шьоит, ажәытә аргыларақәа реиҳарак арбгоит, аҿыц аргыларақәагьы аҧырхага рнаҭар алшоит. · 7. Магнитуда амчхаратә адгьылҵысра – даараӡа иҕәҕәоу адгьылҵысра ауп – адгьыл еиҟәшьшьар ҟалоит, аҭӡамцқәагьы, аҩнқәа арбгоит. Ауаа рыҧсҭазаара ашәарҭа иҭанаргылоит. · 8. Магнитуда амчхаратә адгьылҵысра – арбгара амчхара амоуп, аргыларақәа бгоит, адгьыл еиҟәшьшьоит, аҿырыҩрреи, аӡҭачқәеи цәырҵуеит. · 9. Магнитуда амчхаратә адгьылҵысра – зегьы реиҳаӡа иҕәҕәоу адгьылҵысра ауп. Адгьыл ацәқәырҧа еиҧш аҵысра иалагоит, ақыҭақәа ыӡуеит, ицәырҵуеит аҿыц амҩақәеи, аӡқәеи, авулкан ҭыҩрыргьы ҟалоит. Аргыларақәа зегьы бгоит. Лассы адгьылҵысра амчхара ашәаразы рхы иадырхәоит абалл. Абалл амчхара ашәага акуӡам. Абалл ала иршәоит адгьылҵысра иҟанаҵо анырра ауаҩы изы, аргыларазы, ақәыҧшыразы. Адгьылҵысра амчхара аанарҧшуеит амгнитуда. Асеисмограф адгьылҵысра аамҭа аанарҧшоит, шаҟа магнитудатә амчхара амаз адгьылҵысра. Уи аамышьҭахь идырхоит, шаҟа ирҧырхагахаз адгьылҵысра ауааи, аргыларақәеи. Адгьылҵысра ала уи амчхара абалл ала иршәоит. Ииашоуп аҳәамҭа: “иҟалит 4 амагнитудтәи амчхара змаз адгьылҵысра Рихтер иеихшарбагала”. Ииашам аҳәара: “иҟалит 4 балл амчхара змаз адгьылҵысра Рихтер иехшарбагала”.