Ашәара

Ашәара   Даур ашкол ахь анеира иҭахым. Уи дааҧсеит. Уи еснагь дшәоит. Уи ддыршәоит. Даӡәымкуа аҷкун дуқәа уи ддырпатудоит. Уи напыла игәҭасуеит.   Урҭ Даур адгьыл дықәрыжьуеит. Урҭ Даур ашәҟәқәа ицәырҵәахуеит. Урҭ Даур ихьымӡҕьу ахьыӡқәа иарҳәоит. Урҭ Даур ддыршәоит. Даур даараӡа даншәо, уи ашкол ахь дцаӡом. Даур иан илеиҳәоит, игәы бзиам ҳәа. Иан дгәамҵуеит. – Аҩны уаанха уҧсы шьа – лҳәоит иан, – уаҵәы уеиҕьхоит … Даур аҩны даанхоит. Аҩны Даур ашәҟәы даҧхьоит. Аҩны Даур ателевизор дахәаҧшуеит. Аҩны Даур дшәом. – Аӡәы иаҳәа ашкол аҟны ушдыршәо – иалҳәоит уи иҩыза бзиа Мака. Аха Даур дшәоит. Уи дшәоит, ихҭыс атәы аӡәы еиҳәар ҳәа. – Уи зегьы еиҳа еицәанатәуеит, Мака! – иҳәоит Даур. – Бара ибыздыруам сара сышкол заку! Бара ибыздыруам арҭ аҷкунцәа зусҭақәоу! – Ашкол уагхоит, усҟак абжьажьра ҽеиым! Аҵара злауҵои? Акласс аҟны уаанрыжьыр ҟалоит! – лҳәоит Мака. Даур идыруеит Мака дышиашоу. Даур идыруеит иан зегьы леиҳәар ауп. – Иахьа сан зегьы ласҳәоит! – дхәыцуеит Даур.