Абалет

Абалет   Ажәа абалет латын ажәоуп. «Бало» қырҭшәала иаанагоит акәашара. Абалет ҿиеит Италиа 16 ашәышықәсазы. Ари акәашара даара иргәаҧхеит Франциагьы. Анаҩс абалет икәашо иалагеит Европаа зегьы. Еиҳаракгьы иргәаҧхон аҳҭынраҿы иркәашоз абалет. Аҳҭынра аҿы аныҳәақәа абалет ада имҩаҧысуамызт. Абалет икәашо аӡҕаб илышьҭоуп абалерина ҳәа, ахаҵа-абалерон. Абалет ари кәашаратә қәгылароуп. Ари акәашаратә қәгылара абалеттә хәмарра ахьӡуп. Абалет абзоурала акәашаҩцәа хҭыск ҳзеиҭарҳәоит. Абалетаҿ ахҭыс еиҭарҳәаӡам ажәала, ма ашәала. Уа акәашацәа кәашоит. Абалеттә спектакль аҿы зегь реиҳа ихадароуп аиҭаҵра. Убарҭ аиҭаҵрақәа рыбзоурала ҳара еилаҳкаауеит абалетаҿ еиҭарҳәо ахҭыс атәы. Абалет иахьа зегьы еицырдыруеит, бзиа ирбоит адунеи зегь аҿы. Абалеттә спектакльқәа ирыхәаҧшуеит атеатрқәеи, аопереи, абалети рыҩнқәа рҿы.   Абалеттә шәҵатәи ашьаҵатәи Абалеринацәа кәашоит ршьап ҧынҵа иқәгыланы. Абалеронцәа кәашоит аҵа змам аимаа ҵаҕақәа рыла. Ашьап ҧынҵа иқәгыланы акәашара даара иуадаҩуп. Абалеринацәа ааҧсоит, ршьапқәа рыхьуа иалагоит. Дара ирышьоуп иҷыдоу ашьаҵатәы. Убри еиҧш ашьапымаҭәаҿ, абалеринацәа ршьапқәа рыхьӡом, рацәакгьы иааҧсаӡом. Абалеринацәа реимаа аҧынҵа ҕәҕәоуп. Арҭ аимаақәа ирыхьӡуп-пуанты. Апуант аҟаҵара уадаҩуп. Урҭ еиуеиҧшым амаҭәахәқәа ирылырхуеит. Апуантқәа аба, ма ажәцәа иалхызар ауеит. Апуантқәа еиуиҧшым аҧшшәқәа рымоуп: ацәаҧшь, ацәыш, аиқәаҵәа, ашкәакәа. Апуантқәа ыҟоуп ҩ-хкык – иласу апуанти, апуант қәаҵәҟьеи. Иласу апуантқәа рышьарҵоит абалерина хәыҷқәа. Зықәра наӡаз абалеринацәа апуантқәаҵәҟьа рышьаҵан икәашоит. Абалеринацәа иҵаҕоу, иҧшӡоу аҵыкқәа ршәуп. Урҭ аҵыкқәа еиуеиҧшым аҧштәқәа рымазар алшоит. Абалеронцәа рцәа иадшәало хыхьтәи амаҭәа ршәуп, ирышьоуп рцәа иадшәало аиқәа. Ус еиҧш иҟоу амаҭәа рыкәашараҿы ирҧырхагахаӡом. Уи амаҭәа аныршәу акәашацәа реиҭаҵрақәа рыҧшӡара ибзианы иубарҭоуп.   Абалет аҽазыҟаҵара Ахәыҷқәа заа, ишыхәыҷу иалагоит абалет кәашара аҵара. Акәашара аҵара иалагоит ҵ-ҧ ш. анырхыҵлак. Абалет - ари имариоу кәашарам, иара даара иуадаҩуп. Уи аҵаразы иаҭахуп ирацәаны аџьабаа, ачҳара. Акәашаҩцәа даара еилҟьоуп, реиҭаҵрақәагьы ҧшӡаны инарыгӡоит. Акәашаҩцәа рҽазыҟарҵоит абалеттә ҩнқәа рҿы. Абалеттә ҩнқәа лассы-ласс абалеттә студиа ҳәа иашьҭоуп. Абалеттә студиа аҭӡаҿы икнаҳауп асаркьа дуқәа, иҟаҵоуп идуу амҿтәы штангақәа. Амҿтәы штангақәа акәашара ранҽазыҟарҵо ирыхәоит. Абалет кәашацәа рҽаназыҟарҵо, асаркьаҿ рхы иахәаҧшуеит. Асаркьаҿ дара ирбоит заҟа иҧшӡоу рыкәашара.   Еицырдыруа абалет кәашаҩцәа Абалет адунеиаҿы ирылаҵәо еицырдыруа акоуп. Еицырдыруа акә-ашаҩцәа инарыгӡоит аба-леттә спектакльқәа еиуеиҧ-шым атәылақәа рҿы. Ус еиҧш иҟоу акәашацәа абалеттә еҵәақәа ҳәа ирышьҭоуп. Абалет ддырҵоит ирацәаны аӡҕабцәеи аҷкәынцәеи. Абалет кәашара даара иҧшӡоуп.