Амарқьаф аӡиа

Амарқьаф аӡиа   Адунеи аҟны даараӡа аӡиа рацәа ыҟоуп. Урҭ ирылоуп уамашәа иубаша аӡиақәа. Урҭ ируакуп амарқьаф ӡиа. Амарқьаф ажәҩанҧштәы змоу аӡшьар ауп. Амарқьаф ала ақьаад аҟны ҳаҩҩуеит. Амарқьаф аҩҩыратә акалам иҭаҭәоуп. Амарқьаф ӡиа Алжир иҟоуп. Даараӡа ауаа рацәа уамашәа ирбоит ари иџьоушьаша аӡиа аҭоурых ала. Алжир Алжир ҳәынҭқарроуп. Алжир Африкатә аконтинет аҟны иҟоуп. Уи Африка аҩада иҟоуп. Алжир даараӡа ирацәаны ацәҳәыра ыҟоуп. Ацәҳәыра аҧсламӡи ашыреи ирҭыҧуп. Ацәҳәыра аган аҟны даараӡа иҧшӡоу аӡиа ыҟоуп: уи еицдыру амарқьаф ӡиа ауп. Изахьӡуи ари аӡиа Амырқьаф ӡиа? Аӡиақәа зегьы рыҟны ишаҳдыруа ала аӡы ҭоуп. Ари аӡиа аҟны аӡы ацынхәрас амарқьаф ҭаҭәоуп … Уамашәа иубаша Амарқьаф ӡиа Уамашәа ижәбозар ҟалап, ишҧа алшо аӡиа аҟны аӡы ацынхәрас амарқьаф аҟалара. Ауаа уамашәа ирбон ирзеилкаауамзт, абас изыҟалеи ҳәа. Шьоукы уи “Аҩсҭаа иӡиа” ҳәа иашьҭан. Аӡиа ааигәара анеира иацәшәон. Аҭҵаарадырҩцәа Амарқьаф ӡиа ахь аинтирес аадырҧшит. Урҭ аӡиа акыр аамҭа иҭырҵаауан. Амырқьаф аӡиа ҩӡиаск алалоит. Аҭҵаарадырҩцәа арҭ аӡиасқәа рыӡқәа ргит алабараториа ахь. Алабараториа ахь инарган аӡы гәарҭит. Аӡиасқәа руакы аҟны даараӡа ирацәаны аихатә џьыкхыш ыҟан. Аҩбатәи аӡиас аҟны ирҧшааит амаҭәар уи аихатә аџьыкхыш ианалалак амарқьаф ҧштәы аанахоит … Аӡиасқәа рыҩбагьы анеиларҵа, ироуит амарқьаф. Абас еиҧш акузаап амарқьаф ари аӡиа аҟны изцәырҵыз. Ари аӡиа аҟны иарбынзаалак ҵиаа иазҳаӡом. Араҟа аҧсыӡгьы ыҟаӡам. Аӡиа аҟны амарқьаф мацара ауп иҟоу. Ауаа уи аҩҩразы рхы иадырхәоит. Иахьа уи аӡиа аӡәгьы дацәшәом. Алжир ахь инеиуа атуристцәа лассы инеиуеит уамашәа иубаша Амарқьаф ӡиа рбарц азы.