Ашьапылампыл

Ашьапылампыл   Ашьапылампыл ауаа рацәа рзы аинтирес змоу бзиа ирбо хумарроуп. Уи гәыхәарала иахәаҧшуеит аҷкунцәеи, аӡҕабцәеи. Ашьапылампыл агәыҧтәи хумарроуп. Ашҭа аҟны ҩгәыҧк хумаруеит. Гәыҧк аҟны жәеизаҩык ахумарцәа ыҟоуп. Ашьапылампыл еиҳарак аҷкунцәа роуп ихумаруа. Иҟоуп аӡҕабцәа ршьапылампылтә гәыҧгьы. Аха аҷкунцәа ргәыҧқәа рацкьыс акыр иамҷуп. Ахәмарра хықәкыс иамоуп, ахумарҩцәа рыбжьара ампыл ииаганы ирҿагыло ахумарҩцәа рамба аҭаршәра. Амба ампыл аҭаршәра гол ахьӡуп. Аиааира агоит агәыҧ аголқәа еиҳа иарцәаны еизызго. Ашьапылампыл асҩцәа ампыл шьапыла мацара иаслар ауп. Урҭ ампыл напыла, ма жәҩахырла асра азин рымаӡам. Аха хыла ампыл асра азин ыҟоуп. Ампыл анпыла акьысра агәыҧ алахәылацәа аӡәы иоуп азин змоу, уи амаб иҭагылоу иоуп. Уи амба дҭагылоуп ампылқәа икуеит. Амба иҭагылоу агәыҧ жәеизатәи ахумарҩы иоуп. Ахумарҩцәа ашьапылампыл асратә аҵасқәа анеиларго, иахьдырхәоит. Урҭ аӡбаҩы аҟаҧшьи, аҩажьи ашәҟәыхәҷы дирбоит. Ахумарҩы даараӡа ицәгьаны ахумарратә аҵасқәа еилеигар, уи ашәҟәыхәҷы ҟаҧшьы идырбоит, ашәҟәыхәҷы ҟаҧшь арбара ахумарра ааныжьра ауп иаанаго. Ари ашьапылампыласҩцәа рзы даараӡа иџьбароу ахьырхәра ауп. Аҩажь шәҟәыхәҷы агәҽанызаара шәҟәы ҳәа азырҳәоит. Ахумарҩы ахумарра аан ҩынтә аҩажь шәҟәы идырбар, уи ахумарратә ашҭа ааниыжьуеит. Ашьапылампыл ахумарра акыр шықәса раҧхьа Китаи иалагеит. Аха аамҭатәи аҵасқәа рыла ашьапылампыл Англиа ишьақәгылеит. Иахьа ашьапылампыл аицлабра зегьы реиҳаӡа идыру ФИФА ачемпионатра ауп. Уи адунеи зехьынџьара ахуаҧшыҩцәа рацәаҩны иамоуп.