Азодиақтә адыргақәа

Азодиақтә адыргақәа   Китаи аҟны ашықәс ҿыц жьырныҳәамзеи-жәабранмзеи рыбжьара азы игылоит. Ессынықәса арыцхә аҽаҧсахуеит. Буда акитаицәа ранцәа иоуп. Буда изку алегенда рацәа ыҟоуп. Азодиақтә адыргақәа ирызку иҧшӡу алегендақәагьы ыҟоуп: Буда ашықәс ҿыц аныҳәа аан аҧстәқәа зегьы ааҧхьара риҭеит. Буда аҟны аизара ахь жәаҩа ҧстәы роуп инеиыз. Раҧхьаӡа – аҳәынаҧду неит, аҩбатәи – ацәа акун, ахҧатәи – абжьас, аҧшьбатәи – ажьа, ахәбатәи – агәылшьаҧ, афбатәи – амаҭ, абыжьбатәи – аҽы, аабатәи – аџьма, ажәбатәи – амаамын, жәабатәи – арабаҕь, жәеизатәи – ала, аҵыхәтәаны жәаҩатәи – аҳәа неит. Китаитәи астрологиа аҟны абарҭ аҧстәқәа рдыргақәа роуп иҟоу. Абри аамышьҭахь ессышықәса абарҧ аҧстәқәа рыхьыӡ рыхьырӡырҵеит. Аҳәынаҧду раҧхьаӡа Буда иахь иахьнеиыз азы, раҧхьатәи ашықәса аҳәынаҧду ахьыӡ ахьӡырҵит. Аҧстәы ашықәсқәа зегьы ессыжәаҩа шықәса игылдоит. Уажәы 2013 шықәса ауп. Китаитәи азодиақ ала, 2013 шықәса амаҭ ашықәс ауп. Амаҭ ашықәс еиҭах жәаҩа шықәса аамышьҭыхь игылоит. Убри аҟнытә 2025 шықәса амаҭ ашықәс акухоит. Зегьы реиҳаӡа иџьоушьаша аҧстәы ашықәсқәа ируакуп агәылшьаҧ. Агәылшьаҧ илактәу хаҿуп. Уи аӡәгьы имбацт. Аха уи азы адунеи аҟны зегьы реиҳаӡа аҳәамҭа рацәа ыҟоуп. Иарбан аҧстәы шықәса аҟны ииыз, уи аҧстәы аҟазшьа ныҟәигоит, – абас ихәыцуеит астрологцәа …