Аҧштәқәа

Аҧштәқәа   Ижәдыруоу шәара ацәаҟәа зыхьӡу? Ижәбахьоу ацәаҟәа? Ацәаҟәа аҧхын ицәырҵуеит. Уи ақәа аамышьҭыхь ицәырҵуеит. Ацәаҟәа аҧштәы рацәа амоуп даараӡа иҧшӡоуп. Ажәҩан еиуеиҧшым ашәыгақәа рыла иршәызшәа. Аха ацәаҟәа ирацәаҧштәым. Адунеи аҟны зегьы аҧштәы амоуп. Аҧштәқәа зны-зынла иҧсабаратәиуп. Зны-зынла – иҧсабаратәым. Ажәҩан жәҩанҧштәуп. Амра ҩажьуп, зны-зынла аҟаҧшь ахь ииасуеит, зных амцаҧштәуп. Аҧсабара аҟны иҟоуп иҷыдоу аҧштәқәа. Ихадоу аҧштәқәа рыдагьы ишьақәыргылоу аҧштәқәагьы ыҟоуп. Аҧсабара аҟны хҧа роуп ихадоу аҧштәқәа: арҭ аҧштәқәа роуп аҟаҧшь, аҩажь, ажәҩанҧштәы. Егьырҭ аҧштәқәа зегьы иаҧҵоуп: аеҵәа, ақьылмытҧштәы, ашкәакәа, аиқәаҵәа, ахәаҧштәы абар иаҧҵоу аҧштәқәа. Урҭ зегьы аҧштәқәа реилаҵара ала ироуеит. Зны-зынла аҧштәы хәашьуп, зных икаҷҷоит. зны-зынлах ихәашьуп, зны-зынла аҧштәы уаргәырҕьоит, зны-зынла аҧштәы улахь еиқәнаҵоит. Зныҽзынла аҧштәы ҧхоуп, зных ихьшәашәоуп, аҧштәы гәалаҟазаара зеиҧшроу еиҧш. Аҧштәы ҧхақәа роуп аҟаҧшь, аҩажьи, ақьалмытҧштәи. Аҧштәы ҧхақәа ауаҩы дарҭынчуеит, игәалаҟазаара еиҕнатәуеит. Ихьшәашәоу аҧштәқәа роуп ажәнаҧштәы, адәыкрынҧштәы, аеҵәа. Аҧштәы хьшәашәақәа ауаҩы ддыргәырҕьоит, урҭ ауаҩы дарҧагьоуит, игәыхтәы арҕәҕәоит. Аҧштәқәа ауаҭахқәа аныршәогьы иазҧхьагәарҭоит. Зегьы реиҳаӡа аҧштәқәа реилыҧшаара асхьаҭыхҩцәа ирдыруеит. Урҭ аҧштәы рацәа рхы иадырхәоит. Асахьаҭыхҩцәа дара рхаҭагьы аҧштәқәа ҟарҵоит. Ҳарҭ иҳалшоит ҳсахьаҭыхҩхар. Ҳарҭгьы иҳалшоит ҳаҧсҭазаара арҧшӡара. Аҧштәы рацәа змоу аҧсҭазаара еснагь еиҳа еиҕьуп.